2021eko uztailaren 20a. - Espainiako merkatuko telekomunikazio-operadore nagusiek ?Movistar, Orange, Vodafone, MASMOVIL eta Euskaltel? merkatuarekin eta haren bezeroekin duten konpromisoan aurrera egiten jarraitzen dute, eta kode etikoa indartu dute, telesalmentako beren produktuak eta zerbitzuak merkaturatzeko orduan jardunbide onenez baliatzen direla bermatzeko.
Bost operadore handiek Kode Deontologiko berri bat sinatu dute, zeinarekin 2010ean sinatutakoa indartzen baita, kontsumitzaileei gaur egungo gizartearen ohituretara egokitutako babes eguneratua eskain diezaieten eta salmenta- jardunbideak gardenagoak izan daitezen. Hitzarmen horrek autorregulatzeko mekanismo gisa jarduten du, bezeroek beren zerbitzuak kontratatzerakoan berme guztiak izan ditzaten. Ekimen hau abiapuntu bat da, eta irekia dago beste operadore batzuei, haiek ere akordioarekin bat egin dezaten.
Operadoreek betebehar jakin batzuk ezartzen dituzte, gaur egungo araudian ezarritakoak osatzeko eta indartzeko, salmentako eta babeseko kalitate- estandarrak maximoak izan daitezen unean uneko araudiaren arabera, eta, bereziki, kontsumitzailea babesteko, araudiari, datuak babestekoari, informazioaren gizartearen eta kontratazio elektronikoaren zerbitzuetakoari eta bidegabeko lehiari buruzko araudiari dagokienez.
Kode berrian, kontsumitzailearentzako bermeak nabarmen handitzen dituzten zenbait ekimen biltzen dira, besteak beste:
Kontsumitzaileak eskuratu ahal izango duen informazioaren gardentasunari dagokionez, protokolo berriak hobekuntza garrantzitsuak jaso ditu:
Hala, bost operadoreek helburu bera dute: eraginkortasun handiagoz detektatzea eta ezabatzea erregulazio- eta etika-estandar zorrotzetatik at dagoen edozein merkataritza-jarduera. Bestalde, konpainiek konpromisoa hartu dute kodearekin bat ez datozen jardunbideen biktima izan diren bezeroen erreklamazioak ebazteko prozedura bateratu eta erraz bat martxan jartzeko.
Gainera, konpainiek elkarlanean jardungo dute iruzurrezkoak edo bezeroentzat kaltegarriak izan litezkeen egitate frogagarriak ezagutarazteko, eta, behar izanez gero, erakunde eskudunen aurrean salatzeko.
Azkenik, bezeroek eskatuz gero, operadoreek baja emango diete iruzurrezko telesalmentan edo fede onaren eskakizunak bete ez dituzten egitateetan oinarrituta kontratatu diren zerbitzuei, betiere produktu edo zerbitzu horien faktura bakar bat sortu bada, gehienez. Baja ematean, konpainiek bermatuko dute bezeroak ez diola utziko konektatuta egoteari, eta ez duela penalizaziorik ordaindu beharko. Bezeroa bueltan hartzen duen operadoreak migrazioa egin aurretik zeuzkan tarifa eta kondizio berak aplikatuko dizkio; edo antzeko tarifa bat, lehengoa desagertua bada.
Emilio Gayo Telefónica Españako lehendakariak adierazi duenez, ?kontsumitzaileek dei guztietan informazio gardena jasotzeko eskubidea dute. Halaber, eskubidea dute jakiteko nork eta zergatik deitzen dien, eta dei horiekin eguneko edozein ordutan gogaituak ez izatekoa. Sektore gisa, helburu hori izan behar dugu; horregatik osatu dugu kode zaharra. Izan ere, gizarteak aurrera egin du, kontsumitzaileen eskubideak aldatu egin dira, eta, Espainiako telekomunikazio-merkatuko erreferentziazko operadore izanik, etikaz jokatzea dagokigu; horregatik da beharrezkoa kodea eguneratzea?.
Bestalde, Jean-François Fallacher Orange Españako kontseilari delegatuak adierazi duenez, ?Urteetan, telekomunikazio-operadoreok kontsumitzaileen ohituretara egokitu ditugu gure jarduerak. Zer esanik ez, gero eta errespetu handiagoa izan behar dugu haien eskubideekin eta pribatutasunarekin gure zerbitzuak eskaintzeko egiten ditugun merkataritza-jardueretan. Telesalmenta- kode hau berritzeko gaur hartu dugun konpromisoak balioko du, batetik, gure jardunbideak gero eta zorrotzagoa den gizarte batera egokitzeko, eta, bestetik, gizartearentzat funtsezko zerbitzu baten emaile gisa, gure egungo bezeroekiko eta bezero izan litezkeenekiko jokabide arduratsuaren erreferente izaten jarraitzeko?.
?Telekomunikazio-industriaren ekimen bateratu honek gure sektorean jardunbide egokiagoak sustatzen lagunduko du. Protokoloaren eguneratze honen bidez, lehengoez gain betebehar gehiago onartzen ditugu, gero eta digitalagoa den ingurune honetan kontsumitzaileekiko betebeharrak eguneratzeko eta, haien eskubideetara egokitzeko. Beraz, urrats garrantzitsua da bezeroekiko harremana eta industriaren pertzepzioa hobetzeko", adierazi du Colman Deegan Vodafone Españako CEOak.
?Akordio hau eguneratuta, telekomunikazioen sektoreak, bere ekimenez, beste urrats bat egin du aurrera, eta beste behin erakutsi du konprometitua dagoela bezeroekin, merkatuarekin eta merkataritza-jardunbide onenekin, eta, horri esker, erabiltzaileak bermatuak izango dituela babesik handiena eta telekomunikazio-zerbitzuen hornitzailea aukeratzeko eskubidea?, adierazi du Meinrad Spenger MASMOVIL Taldeko CEOak.
?Akordio honekin, zeinak aurrekoa eguneratzen baitu, argi geratzen da operadore gisa garrantzitsuena bezeroarekiko konpromisoa dela, eta bezeroa gure jardueraren erdigunean kokatzen dugula. Horregatik, orain indartu dugun kode honekin, gardentasuna eta kalitatea bermatzen ditugu sektoreko erabiltzaile guztientzat?, esan du José Miguel García Euskalteleko CEOak.
Operadoreek jarraipen-batzorde bat osatuko dute, sei hilean behin bilduko dena, kodea zertan den berrikusteko eta, beharrezkoa bada, edukia eguneratzeko eta egokitzeko.
Euskaltel - Komunikazioa
komunikazioa@euskaltel.com