Zure tarifaz kanpoko kontsumoak saihesteko aholkuak

Fakturetan, xehatuta agertzen dira kontzeptu guztiak, fakturatutako zerbitzuen arabera, haien kostu zehatza jakin dezazun. Kontuan izan telefono finkoko eta mugikorreko tarifek barne har ditzaketela zenbait kontsumo-mota, baina ez guztiak. Hona hemen zenbait aholku zure fakturan ezustekorik ez izateko.

Tarifa gehigarriak

Tarifa gehigarria duen zenbaki batekin komunikazioa hasten denean, Euskaltelek jakinarazten dizu egin behar duzun deia zure tarifatik kanpo dagoela.

Ondoren, 20 segundoko lokuzio bat onartuko da tarifa gehigarriko zerbitzuari hasiera eman baino lehen. Lokuzioa amaitu aurretik deia eteten baduzu, komunikazioaren kostua bakarrik fakturatuko da, ez tarifa gehigarriaren zerbitzua, ez baita zerbitzu hori erabili. 
Tarifa gehigarriko dei horien iraupena legeak mugatuta dago, gehiegizko fakturazioak saihesteko. Fakturan, zerbitzuaren jabe den enpresaren izena ikusiko duzu. 

Deien kostu hori saihesteko, bezeroaren gunetik blokeatzea gomendatzen dizugu.

SMSak

SMSak ez daude sartuta mugikorreko tarifetan. Zenbait mota daude, eta haien kostua helburuaren araberakoa da.

Beste mugikor batzuetara

bidaltzen denean, kostua bidalitako mezu bakoitzeko da. Kostua txikia izan ohi da, baina, gaur egun, badira testu-mezularitzako beste aplikazio batzuk, doakoak, datu-konexioa edo wifi-konexioa besterik behar ez dutenak eta bidalitako mezu bakoitzeko kosturik ez dutenak.

Beste mota bat Premium SMSak dira: bidalketaren kostuaz gainera, tarifa gehigarria izan dezakete. Lehiaketetarako, edukia deskargatzeko edo proiektu solidarioetan dirua biltzeko erabili ohi dira. Kasu horretan, mezu bakoitzeko gehieneko prezioa, operadorearen identitatea, bezeroarentzako arreta-zenbakia eta eskaintzen duten zerbitzua jakinarazi behar dituzte enpresek beren publizitatean. Mezu bat zenbaki labur batera bidali aurretik, informazio hori guztia egiaztatzea gomendatzen dizugu.

Aplikazioak konfiguratzeko erabiltzen diren SMSak

ere badira. Automatikoki bidaltzen dira konfigurazio- edo eguneratze-prozesuan, eta haietako batzuk nazioarteko SMSak dira. Hori gertatzen da, adibidez, Appleren aplikazioekin; adibidez, Facetime edo iMessage aplikazioekin. Zure fakturan Erresuma Batura doazen nazioarteko SMSak ikus ditzakezu, baina ez duzu aurkituko bidalitako SMSa zure telefonoaren bidalketa-historian. 
Instalatzeko prozesuan, erabiltzaileari ohartarazteko mezu bat agertzen da, eta jakinarazten zaio instalazioak SMSak bidali behar dituela eta kostua izan dezaketela.

Nazioarteko deiak eta roaminga

Zure mugikor-tarifan edo finkoan ez daude sartuta nazioarteko deiak, baina baditugu plan eta bonu batzuk dei horiek merkeago egin ahal izateko. Tarifa ofizialetan kontsultatu ditzakezu.

Roaminga

zure mugikorreko tarifa atzerrian erabil ahal izateko zerbitzua da. Zenbait eremu geografiko daude, nazioarteko ibiltaritza-akordioen araberakoak. Europar Batasuneko herrialdeetara bidaiatzen baduzu, ez duzu kostu gehigarririk izango deitzeagatik edo nabigatzeagatik, baina kontuz! Herrialde batzuek, hala nola Andorrak, Mazedoniak, Monakok, Montenegrok, San Marinok edo Suitzak, ez dute akordiorik Europan egon arren; beraz, haietatik edo haietara egindako deiek eta datu-trafikoak kostua dute. Kontsultatu hemen zer herrialdek duten roaminga eta zein den kostua.

Nahi ez diren kostuak saihesteko, kontsultatu, halaber, roamingaren arrazoizko erabileraren politika, baldin eta atzerrira luzaroan bidaiatzen baduzu.

Gogorarazten dizugu zerbitzu horietako batzuk bezeroaren gunetik blokea daitezkeela. Nola egin asmatzen ez baduzu, deitu eta lagunduko dizugu.