Zer egin nire mugikorra ez badabil edo lapurtzen badidate?

Zure mugikorra ez dabil behar bezala?B Zer egin dezakezu?

Hori bi faktore hauen mende dago: gailua jaso zenuenetik zenbat denbora igaro den, eta asegururik edo bermerik baduzun kontratatuta.

📅 15 egun baino gutxiago igaro dira hura jaso zenuenetik:

Mugikorrak fabrikatik datorkion akatsen bat badu (hau da, kolpe batek, eroriko batek edo erabilera desegokiak eragin ez duen akatsen bat), beste bat eskatzeko aukera izango duzu. Baldintza hauek soilik bete behar dituzu:

• Gailuak kalte fisikorik ez izatea.
• Gailua behar bezala enbalatuta eta jatorrizko kutxan entregatzea.
• Osagarri guztiak (kargagailua, entzungailuak, etab.) entregatzea.

📅 15 egun baino gehiago igaro dira, eta gailuak akats tekniko bat du.

• Zure mugikorrak berme-aldian jarraitzen badu

  (erosi eta 3 urte igaro artekoa izan ohi da aldi hori), Euskaltel denda batera eraman dezakezu. Zerbitzu Tekniko Ofizialera bidaliko dugu guk, han berrikus dezaten. Bermeak arazo hori barne hartzen badu, gailua konpondu edo ordeztu egingo dute.

• Euskaltelen Mugikor Asegurua kontratua daukazu. Kontsultatu esteka honetan zure polizak barne hartzen dituen estaldurak. Horrela jakingo duzu kaltearen arabera zer aukera dituzun.
• Zure mugikorrak jada ez du ez bermerik ez asegururik. Kasu horretan, zure kontura konpon dezakezu, edo, bestela, mugikor berri bat eskuratzeko baliatu dezakezu abagunea. Kontsultatu hemen eskuragarri dauden terminal mugikorren eskaintza eguneratua.

Zer egin behar dut pantaila apurtzen bada?

Zure mugikorrerako aseguru bat kontratatua baduzu, zure polizak pantailaren haustura barne hartuko du; beraz, pantaila berri bat jarriko dizugu, erabat doan.

• Euskaltel Mugikor Asegurua baduzu, deitu 915 909 789

  telefonora gehienez ere 7 laneguneko epean, eta esango dizute zer pauso eman behar dituzun.

👉 Hemen duzu Euskaltel Mugikor Aseguruari buruzko informazio guztia.

• Lehenagoko aseguru-modalitate bat

  baduzu (Mugikorraren Zaintza edo Mugikorraren Zaintza Plus), deitu 900 835 845 telefonora ezbeharraren berri emateko.

Itzul dezaket mugikorra harekin gustura ez banago?

Bai, itzul dezakezu! Zure mugikorra Internetez edo telefonoz erosi baduzu, eta erabat konbentzituta ez bazaude, itzul dezakezu. Hemen azaltzen dizugu zer egin behar duzun:

Mugikorra etxean jasotzen duzunetik 14 egun natural dituzu hura itzuli nahi duzun ala ez erabakitzeko. Ez duzu azalpenik eman beharrik. Pozik ez bazaude, atzera egin dezakezu. Gorde beti jatorrizko bilgarria, eta ez bota osagarriak ziur egon arte mugikorra zuretzat hartuko duzula.

✅ Zer baldintza bete behar ditu mugikorrak?

• Mugikorrak egoera ezin hobean egon behar du, kolperik eta harramazkarik gabe.
• Ez du erabilita egon behar, ez behintzat probatzeko (pizteko eta funtzionatzen duela egiaztatzeko) behar dena baino gehiago.
• Jatorrizko kutxarekin, osagarriekin, eskuliburuekin eta barruan zegoen guztiarekin itzuli behar duzu.

🔁 Nola itzuliko dut?

1. Jarri gurekin harremanetan

   1717 zenbakira deituta.

2. Mugikorra nola itzuli azalduko dizugu, eta prozesu osoan zehar lagunduko dizugu.
3. Gailua jaso eta egoera onean dagoela egiaztatzen dugunean, ordaindu zenuen zenbatekoa itzuliko dizugu, baldin eta zure mugikorrak hasierako kuota bat bazuen.

Mugikorra galdu egin zait edo lapurtu egin didate. Zer egingo dut?

Mugikorra galdu bazaizu edo lapurtu badizute, lehenik eta behin, SIM txartela blokeatzeko eskatu behar duzu, inork linea erabil ez dezan edo zure izenean autentifikatze-mezurik onar ez dezan. Geroago aurkitzen baduzu, ez da ezer gertatzen. Desblokeatu egingo dugu, erabiltzen jarraitu ahal izan dezazun. Jarri harremanetan Bezeroarentzako Arretarekin, 1717 zenbakira deituta.

Mugikorra lapurtu badizute, zure SIM txartelaren kopia beharko duzu. Zure txartel berria ahalik eta azkarren lortzeko, Euskaltel denda batera joan zaitezke, baina, nahiago baduzu, etxera bidaliko dizugu mezulari bidez.

👉 Gogoratu Androidek eta iOSek doako tresnak eskaintzen dituztela zure gailua urrunetik aurkitzeko, blokeatzeko edo ezabatzeko.

Mugikor-aseguruko zerbitzu bat aktibatuta baduzu, berrikusi zer estaldura dituen, eta jarri harremanetan aseguru-etxearekin ezbeharraren berri emateko.