Egin lan Euskaltelen

Erronkak gustuko baldin badituzu, enpresei beren negozioak optimizatzen laguntzeko soluzio berritzaileak planteatzea gustatzen bazaizu, lantaldean lan egitea gogoko baduzu, dinamikoa eta ekintzailea bazara, teknologiazale amorratua bazara, lan-giro ona eta aniztasuna maite dituena, eta zure mugak non dauden jakin nahi baduzu, zure zain gaude.

Gaitasun handiko negozio-aholkularien talde bateko kide izateko aukera eskaintzen dizugu. Bezero berrientzako negozio-aukera berriak identifikatzeko arduraduna izango zara, haiekin etengabe harremanetan jardungo duzu, eta negozioa hobetzeko aukera emango diezu, esleitutako erronka komertzialak lortzeko.

Lanpostuari dagozkion eginkizunak

Bezero potentzialekin harremanetan jarri eta haiei bisitak egitea, eskaintza egokituak egin ahal izateko, haien telekomunikazio-arloko, ITko eta ekipamenduko beharren, edo eraldaketa digitalarekin eta zibersegurtasunarekin lotutako beste batzuen araberakoak.

Esleitutako bezeroentzat plan bat prestatzea, fokua behar bezala jarri eta jarduera-estrategia diseinatzeko, ezarritako helburuak lortzeko.

Eskaintza gisa bisita komertzialak eta zerbitzuen aurkezpenak egitea bezero diren enpresei edo esleitutako bezero potentzialei.

Esleitutako bezeroen salmenta-zikloaren jarraipena eta kontrola egitea.

Bezero diren enpresetako pertsona gakoekin behar den konfiantza sortzeko gai izatea, erabaki-prozesua osatzen duten solaskideen mapa sortuz.

Negozioaren lehiakortasun-esparrua eta bertikalizazioa ezagutzea, eta konfiantzazko sare bat sortzea Euskaltel Taldearen eta haren bazkideen artean, bezeroei egindako eskaintzen balioa maximizatzeko.

Jarduera eta metodo komertziala gainbegiratzeko eta hobetzeko eskatzen diren txostenak egitea.

Epe labur, ertain eta luzeko jarraipen komertziala egitea, eta kasu bakoitzean arrakasta komertziala lortzeko egin beharreko ekintzak proposatzea.

Potentzial handieneko kontuetan edo TOP kontuetan plan komertzial bat egitea.

Konpainiaren beste arlo batzuekin lankidetzan aritzea, batez ere ingeniaritzarekin, irtenbide teknikoaren diseinua zehazteko, eta finantzekin, eskaintza komertzialen bideragarritasuna bermatzeko.

Lanpostuaren eginkizunei aplikatu beharreko lege-arauak eta langileak bere borondatez betetzea onartu duen enpresa-arau, -kode eta -prozedurak betetzen direla bermatzea.

Merkatuko joera teknologikoekin egunean egotea, eta diskurtso berritzailea eta negozio-aukerak aurreratzeko aukera emango duen ikuspegia garatzea.

Jarrerak

Bezero-orientazioa eta enpatia

Helburuak lortzeko orientazioa, ausardiaz eta jarraikitasunez

Talde-lanerako gaitasuna

Ekimena, proaktibitatea, jarraikitasuna, ausardia eta autonomia

Pertsonen arteko komunikaziorako eta negoziaziorako trebetasunak; eta, horietaz gain, entzuteko gaitasuna eta asertibitatea.

Berritzailea izatea; malgutasuna eta inguruneko aldaketetara eta lehentasunetara egokitzeko gaitasuna izatea.

Erabateko konpromisoa izatea proiektuarekin, autodiziplina izatea, eta zintzoa eta optimista izatea

Eskatzen den esperientzia

Unibertsitateko titulazioa, ahal dela teknikoa. Kontuan hartuko da MBA izatea.

Bost urte baino gehiagoko esperientzia izatea IKTen sektoreko salmentetan. B2B salmentetan esperientzia izatea, bai bezeroen gaineko zuzeneko erantzukizuna duten lanpostuetan, edo bai aurresalmentako lanetan edo soluzioak diseinatzeko aholkulari gisa.

Kontu handien eta ertainen segmentuko bezeroekin negoziatzeko eta kudeatzeko teknikak. Bezeroaren eskakizunak identifikatzeko gaitasuna, salmenta-aukerak sortzeko.

Salmenta-estrategiaren plangintza: zorro- eta kontu-planak.

Bere ardurapeko eremuko enpresa-sarea ezagutzea.

Hizkuntzak: euskara eta ingelesa (gaitasun profesionala)

Sektore teknologikoa eta negozioen bertikalak ezagutzea: administrazio publikoa, bankuak, osasungintza, hezkuntza, garraioa, industria, salmentak eta abar.

Harremanetarako: queremostutalento@euskaltel.com

Erreferentzia: 2020/ConsultorNegocio