Scratch Eguna BILBAO

Larunbat honetan, Bilboko Itsas Museoan Scratch Eguna 2018 ospatu egin da. Aurten zortzi urte bete dira ekimen honekin hasi ginenetik eta Scratch sasoirik onenean dagoela esan daiteke, 26 taldetan banatutako 156 ikaslek izena-eman baitute, bai sare publiko zein itunpeko 20 ikastetxeetatik etorritakoak. Euskaltel-ek sekulako WiFi konexioa jartzen lagundu du ekitaldian.

Aurten, lehendabiziko aldia da kalean egiten dela eta zoritxarrez eguraldiak ez du lagundu euri langarra gurera etorri da eta. Baina, alde batetik antolakuntzak Bilbo Ekintzarekin jarritako karpei esker eta bestetik, Scratcheroen ekimen apartari esker, azkenean, parte hartu ahal izan dugu arazo handirik gabe.

Giroa, benetan ona izan da: ikasleen partez, bideratzaileen partez, gurasoen partez, kolaboratzaileen partez eta baita Itsas Museoaren arduradunen partez.

Taldeek proiektu polit-politak aurkeztu dituzte, ilusioz eta kasu askotan erronka zailak gaindituz. Baina azkenean merezi izan du! Gainera, Itsas Museoaren barruan Dronak elkarteko jendeak eta Bilbo Makers-ekoak zenbait jarduera eta instalazio prestatu dizkigute. Bai dibertigarria izan dela! Eguerdian Gaskaren esku hamaiketako bat jaso dugu indarrak berrizteko.

más información

Sabino Arana Fundazioa BILBO

Sabino Arana Fundazioak Interneti eta sare sozialei buruzko jardunaldi bat antolatzen du urtero Euskaltelentzat, eta geroz eta jendetsuagoa da. Bi egunez egiten diren saio horien helburua zera da: komunikazio-adituek eskolako gazteen kontsultei erantzutea eta aholkua ematea, sarean aurkitu daitekeen onenari eta etorkizuneko aukerei buruz, baina baita dauden arriskuei buruz ohartaraztea ere.

informazio gehiago