Caser-ekin harremanetan jarri beharko duzu 91 590 97 89 telefonora deituta, ezbeharra gertatu eta gehienez ere 7 laneguneko epean. Honako dokumentazio hau aurkeztu beharko duzu:

• Poliza-datuak
• Faktura edo erosketa egiaztatzen duen agiria (ezinbestekoa ezbeharra izapidetu ahal izateko).
• Ondasuna beste konpainia bateko beste aseguru batek ere aseguratzen badu, poliza-zenbakiaren eta konpainiaren berri eman beharko diozu Caserri.

Ustekabeko kalte konponezinagatik, lapurretagatik edo ebasketagatik smartphone bat edo aseguratutako beste gailu bat emateko, eta dagokion prestazioa jasotzeko eskubidea izateko, honako hauek ordaindu beharko dizkiozu Caser-i:

• Aseguruaren urteko kuota osatu arte, jaulki edo ordaindu gabe dauden zatikako ordainagiriak
• Dagokion frankiziaren zenbatekoa

Ustekabeko kaltea jasan duen terminala konpontzen bada, dagokion frankizia ordaindu beharko duzu, konpondutako terminala entregatu aurretik.

Ezbeharren bat izanez gero, dokumentazio orokorra aurkezteaz gain, honako hauek ere egin behar dituzu:

• Poliziaren aurrean lapurreta, eraso-lapurreta edo ebasketa salatu behar duzu. Gailuaren marka, modeloa eta IMEIa edo serie-zenbakia zein diren adierazi behar duzu.

Mugikorra bada:

• Deiak egin edo datuak kontsumitu badituzte, egindako gastua justifikatzeko agiri bat bidali behar duzu.
• IMEIa blokeatu behar duzu. IMEIa blokeatu ezean, aseguratuak ez du dagokion prestazioa jasotzeko eskubiderik izango.

Telefonoa zenuenean IMEIa gorde ez bazenuen, mugikorraren jatorrizko kutxan aurki dezakezu, edo erosketa-fakturan; edo, errazago, aseguruaren polizan.

Deitu 622ra eta eskatu IMEIa blokeatzeko.

Zure asegurua sustatzeko aldian bazaude, hemen eman dezakezu baja. Epe hori amaitu bada, zure aseguruak urtebeteko iraupena izango du. Urte hori igaro ondoren ez baduzu asegurua berritu nahi, Caser konpainiari jakinarazi beharko diozu hilabete lehenago.

Horretarako 910 551 674 telefonora deitu behar duzu.

Aseguru honek telefono mugikorretarako eta gailuetarako balio du, kontuan hartu gabe zure tarifa kontratupekoa edo aurrez ordaintzekoa den.

• Lapurreta, ebasketa edo eraso-lapurreta: Aseguratutako terminala edo gailua erabat galdu bada lapurreta, ebasketa edo eraso-lapurreta baten ondorioz, kalte-ordain gisa antzeko terminal edo gailu bat emango dizugu (oro har modelo bera), edo zurea baino hobea, halakorik ez badugu. Gainera, mugikorra edo tableta bada, Euskaltelen beste SIM txartel bat emango dizugu.

• Istripuzko kaltea: Istripuren bat izanez gero, konpondu egingo dizugu terminala; piezen, eskulanaren eta aparatua kentzearen eta entregatzearen kostuak ere guk ordainduko ditugu. Terminala konpontzerik ez badago, edo konpontzeak gailuak berak baino gehiago balio badu, zurea bezalakoa den edo antzeko ezaugarriak dituen terminal berregokitu bat emango dizugu.

• Baimendu gabeko deiak: Linea blokeatzeko eskatuz operadorera deitu eta poliziari salaketa jarri aurreko 72 orduetan lapurtutako telefono mugikorrarekin egindako deiak eta erabilitako datuak ordainduko ditugu, gehienez 2.000 euro.

• Ordezko mugikorra edo gailua: Ezbeharra izan duen gailua jasotzean, eta aldez aurretik eskatuta, ordezko gailu bat emango dizugu zurea konpontzen den bitartean. Zure gailua konpondu edo ordeztu ondoren, hura jasotzean, lagatako terminala edo gailua entregatu beharko duzu, eta egoera onean egon beharko du.

• Gailuak konpontzea: Konponketak zerbitzu tekniko ofizialek zein hautatutako zerbitzu tekniko ez-ofizialek egingo dituzte, zerbitzu onena zeinek ematen duen. Zerbitzu tekniko horiek fabrikatzailearen bermearen konponketa- eta mantentze-bermea ematen dute estaldura barruan dauden bitartean. Matxura bat gertatzen bada eta fabrikatzaileak adierazten badu gailua zerbitzu tekniko ez-ofizial batek manipulatu duela, geu arduratuko gara konponketaz legezko bermeak ezartzen duen denbora igaro arte.