Linea Gehigarriak

20 GB + DEI MUGAGABEAK

ONDOREN ORDAINTZEKO ETXEKO ZERBITZURAKO BEZEROAREN ETA EUSKALTELEN ARTEKO KONTRATUAREN BALDINTZA OROKORRAK

Telefonia mugikorreko zerbitzuan abonatzeko kontratua sinatzeak esan nahi du onartu egiten direla Baldintza Orokorrak. Baldintza horiek hauen arabera egin dira: 2/2003 Telekomunikazioen Lege Orokorra, garapen-araudia, kontsumitzaileak eta erabiltzaileak babesteari buruz indarrean dauden legeak eta Kontratazioko Baldintza Orokorrak.

1.- KONTRATUAREN HELBURUA

Iraupen zehatzik ez duen kontratu honen bidez -hala dagokionean, dokumentu erantsian zehazten den kontratuaren gutxieneko epeari atxikiko zaio edo aldi baterako iraupenkonpromisoa hartuko da-, EUSKALTEL SAk (hemendik aurrera EUSKALTEL) ahots-deietarako eta datu-transmisiorako Telefonia Mugikorreko zerbitzua jarriko du aipatutako pertsona fisikoen edo juridikoen eskura, kontratuaren azalean agertzen den aukeraren arabera, zerbitzuari buruzko informazioaren eta bakoitzari dagokion tarifaren arabera, kontratua indarrean dagoen bitartean, BEZEROaren onespenarekin, eta kasu bakoitzerako aurreikusitako kreditu-mugen barruan.

Zerbitzua BEZEROarentzat da zerbitzuaren azken erabiltzaile gisa, eta kontratuak ez du babesten kontratatutako zerbitzuak birsaltzea, ez merkaturatzea, modua edozein dela ere, baldin eta EUSKALTELek aurrez eta berariaz onespenik edo baimenik eman ez badu. Halaber, zerbitzua kontratatzeak ez du kalifikatzen, definitzen, babesten edo zilegi egiten BEZEROak operadore mugikor birtual gisa jardutea edo parte hartzea eta/edo zerbitzua modu horretan erabiltzea; ezta antzeko figura gisa ere, inola ere ez baita halakorik kontratuaren helburuan sartuko. Ondorioz, BEZEROak ez du/ditu manipulatuko edo aldatuko azken erabiltzaile izan gabe zerbitzua erabiltzeko aukera ematen dioten elementuak, ekipoak eta instalazioak.

2. KALITATEA

EUSKALTELek agindutako zerbitzuaren gutxieneko kalitate-mailak, aurten indarrean daudenak, erakunde eskudunei jakinarazten zaizkie eta EUSKALTELen web-orrian argitaratzen dira: www.EUSKALTEL.com.

Halaber, zerbitzuaren gutxieneko kalitate-mailaren berri ematen duen dokumentua ohiko postaz bidaltzea eska dezake BEZEROak.

Zerbitzuaren kalitatea ez betetzeagatik eman beharreko kalte-ordainari dagokionez (912/2006 ITM Aginduaren ondoriozkoa), EUSKALTELek konpromisoa hartzen du BEZEROari kalte-ordaina emateko baldin eta hark ez badu telefono mugikorraren zerbitzua eta/edo datuen transmisio-zerbitzua (Internet) hilean zazpi (7) orduz baino gehiagoz erabili ahal izan (hilabetea da BEZEROaren fakturazio-epea).

BEZEROak EUSKALTELi jakinarazi behar dio zerbitzua etendako eremuan egon dela etenda zegoen artean, Bezeroarentzako Arreta Zerbitzura helarazitako erantzukizunadierazpen bidez, Zerbitzua berrezarritako datatik zenbatzen hasita hamar (10) eguneko epean. Emandako informazioak ezin du kontraesanik izan EUSKALTELen informaziosistemetan dauden datuekin. Hala izanez gero, jakinarazi egin beharko dio EUSKALTELek BEZEROari.

Kalte-ordaina honela kalkulatuko da, eta honela ordainduko zaio BEZEROari:

A)Telefono-zerbitzurako:

Euskaltelek konpromisoa hartzen du BEZEROari kalte-ordaina emateko. Kalte-ordain hori bi adibide hauetan handienaren berdina izango da gutxienez:

a) BEZEROak zerbitzu horretan eten aurreko azken hiru hilabeteetan fakturatu duen zenbatekoaren batezbestekoa zati etenaldiaren iraupena eginda lortzen den zenbatekoa. Zerbitzua kontratatu eta hiru hilabete igaro aurretik gertatzen bada etenaldia, kontsumitutako hilabete osoetako batez besteko fakturaren zenbatekoa edo egindako kontsumo-epearekiko proportzioan kalkulatutako hilabeteko zenbatekoa hartuko da aintzat.

b) Etenaldia gertatzen denean indarrean den hileko abonuaren kuota bost aldiz, etenaldiak irauten duen denboran hainbanatuta.

B)Datu-transmisioko zerbitzurako (Internet):

Interneteko zerbitzua etenez gero, EUSKALTELek konpromisoa hartzen du BEZEROari kalte-ordain hau emateko: zerbitzu horregatik azken hiru hilabeteetan fakturatutako zenbatekoaren batezbestekoa zerbitzua etenda egon den denboran hainbanatua.

3.-ZERBITZUAREN PREZIOA

Zerbitzua erabiltzeko unean indarrean dauden Tarifen eta gainerako baldintza orokorren eta/edo zehatzen, eskaintzen edo sustapen ekonomikoen arabera kontratatutako prezioak, kuotak, bonuak eta, dagokionaren arabera, gutxieneko kontsumoak aplikatuko zaizkio egindako ahots- eta/edo datu-trafikoari.

Hasieran, hitzarmena sinatzen den unean indarrean dauden tarifen informazioan daudenak aplikatuko dira. Zerbitzuaren prezioan EUSKALTELek aplika ditzakeen kontzesioak, sustapenak eta/edo deskontuak egoera jakinetara mugatuko dira, eta ez dira izango, inola ere, BEZEROaren aldeko aurrekariak.

Fakturazio-ziklo bakoitzean, BEZEROak tarifa-aldaketa bat egin dezake inolako kosturik gabe. Ondorengo aldaketek 6 euroko kostua izango dute BEZEROarentzat. Bestalde, BEZEROak tarifa ez aldatzeko konpromisoa hartzen badu eta ez aldatzeko epe hori igaro baino lehen tarifa aldatzen badu, ezarritako zigorra ordaindu behar dio BEZEROak EUSKALTELi, hala dagokionean.

BEZEROari fakturan deskontuak egiten bazaizkio edo BEZEROarentzako kosturik gabeko denbora-eremuak edo ordu-tarteak dituen tarifak, tarifa finkoak edo telefono-trafikoko denboragatiko edo bolumenagatiko gehienezko fakturazio-muga aplikatzen bazaio, horiek ez dira bateragarriak deiak edo trafikoa kontzentratzeko, aldatzeko edo bihurtzeko sistemekin. Horrelakorik gertatuz gero, EUSKALTELek eskubidea du kontratua eteteko eta BEZEROari izandako trafikoa fakturatzeko, muga edo deskontu horiek aplikatuta edo gabe.

Tarifa finkoak edo telefono-trafikoaren denboragatiko edo bolumenagatiko gehienezko fakturazio-muga izanez gero, Estatistika Institutu Nazionalak edo haren ordezko erakunde ofizialak argitaratutako Kontsumoko Prezioen Indizeak urtean izaten duen igoeraren baliokidea aplika diezaieke EUSKALTELek.

BEZEROak legez dagozkion zergak, tasak eta karga fiskalak ordaindu behar ditu.

Kontratuan egindako aldaketa guztiak, tarifetan egindakoak bereziki, jakinarazteko konpromisoa hartzen du EUSKALTELek. Indarrean sartu baino hamar (10) egun lehenago, gutxienez, jakinaraziko dizkie aldaketak gaian eskumena duten erakundeei, eta BEZEROari, berriz, indarrean sartu baino hilabete (1) lehenago. BEZEROari jakinarazteko, fakturan bidalitako mezu bat (EUSKALTELen web-orrian -www.euskaltel.com- sartzeko estekarekin) edo beste bitartekoren bat erabil daiteke. BEZEROak hala eskatuko balu, idatziz eta guztiz doan jakinaraziko litzaioke aldaketa hori. Jakinarazi ondoren BEZEROak Zerbitzua erabiltzen jarraitzen badu, onartutzat emango da.

4.-FAKTURAZIOA ETA ORDAINTZEKO MODUA

EUSKALTELek BEZEROak hautatutako modalitatean fakturatuko ditu Zerbitzua erabiltzeagatik BEZEROak ordaindu beharreko zenbatekoak. Fakturak BEZEROak EUSKALTELi idatziz emandako azken helbidera bidaliko dira, baina ez da baztertuko euskarri informatikoko fakturazioa, aldeek hala hitzartzen badute.

EUSKALTELen Kudeaketa Sistemak -fakturatzeko eta kobratzeko prozesua sartzen da- ISO 9001:2000 kalitate-arauaren ziurtagiria du, eta kanpoko erakunde batek ikuskatzen du aldizka.

Fakturetan banakatuta agertuko dira BEZEROari emandako zerbitzuengatik, sustapenengatik, deskontuengatik, EUSKALTELek eskainitako gainerako baldintzengatik eta, kasu bakoitzean, legez aplikatu beharreko zergengatik ordaindu beharreko kantitateak.

BEZEROak, bere nortasuna idatziz egiaztatu ondoren eta EUSKALTELi hala eskatzen dionean, eskubidea du faktura xehatuak ez jasotzeko eta oinarrizko zerbitzuaren faktura independenteak jasotzeko, eta, hala izanez gero, tarifa altuei dagozkienak ere bai, indarrean dauden xedapenen arabera. BEZEROak faktura xehatua ez jasotzeko, hura izateko eta ezagutzeko eskubidea galdu gabe, EUSKALTELek fakturetan tarifa gehigarrien zerbitzuei laguntzeko zerbitzuei dagozkien fakturak eta tarifa gehigarriko zerbitzu-emaileei dagozkien fakturak xehatuko ditu, ahal bada, zerbitzu-emaile horien nortasuna eta identifikazio fiskaleko zenbakia adierazita. Zerbitzu-emaileen nortasuna ezagutzen ez bada, EUSKALTELek tarifa gehigarriko sare-operadorearen nortasunaren berri emango du BEZEROak harengana jo dezan zerbitzu-emaileak nor diren jakiteko.

Atzerrian egindako eta jasotako deien zenbatekoa atzerriko operadoreen sarea erabiltzeko ezarritako zordunketen eta prezioen arabera ordaindu beharko du BEZEROak; horiek ez ditu EUSKALTELen sarean tarifatzen eta EUSKALTELek BEZEROari kobratzen dizkio fakturan, deien nazioarteko estaldura-zerbitzuari (roaming-a) dagozkion baldintza zehatzen arabera. Horiek BEZEROari ematen zaizkio eta Bezeroarentzako Arreta zerbitzuaren bidez jaso daiteke informazio gehiago, baita Interneten ere, EUSKALTELen webgunean. Roaming-aren bidez jasotako deien jatorria ez da xehatuta emango.

Ondoren ordaintzeko zerbitzuan, BEZEROak banku-helbideratzearen bidez ordainduko ditu fakturak, BEZEROak adierazi duen banku-kontuan. BEZEROak konpromisoa hartuko du kontu horretan EUSKALTELi zor dion diru-kopurua ordaintzeko beste saldo edukitzeko beti; bestela, EUSKALTELeko egoitzan esku-dirutan egin dezake ordainketa, baina ordaintzeko modu hori berariaz aukeratu behar da. Banku-kontua irekita duen finantzaerakundeak EUSKALTELen jakinarazpena jasoko du, BEZEROak ordaindu beharreko zenbatekoaren berri emanez. Fakturan epemuga adieraziko da. Lehenespenez, aurreko aldietan erabilitako zerbitzuen fakturazio-zikloa hilean behingoa izango da, baldin eta BEZEROek eta EUSKALTELek beste ziklo bat hitzartzen ez badute. Hala ere, EUSKALTELek aukera du dagokion kantitatea edo ordaindu beharreko saldoa berehala fakturatzeko edo kobratzera bidaltzeko, kasu hauetan:

- BEZEROak aurrez zehaztutako aurrerakinak gainditu baditu;

- zerbitzua eten bada;

- kontratua iraungi edo hautsi bada edo zerbitzua eten bada;

- BEZEROak zerbitzua emateko baldintza orokor hauek bete ez baditu.

Aurreikusitako egunetan ordaindu gabeko fakturek, kreditu-erakundeari dagozkion arrazoiengatik ez bada, legezko interesa sortuko dute. BEZEROak ordainketetarako hautatutako bankuan kobratzeko aurkeztutako kantitateak ordaintzen ez badira, EUSKALTELek eskubidea du zordunketa edo erantzun gabeko zenbatekoari dagokion komisioa ordain dadin eskatzeko (komisioa gehienez itzulitako kantitatearen % 2 da, eta gutxienez 2 eurokoa izango da). EUSKALTELek zordundutako kantitate osoa berehala kobra dezake, BEZEROak horretarako emandako kreditu- edo zordunketa-txartelean zordunduta; BEZEROak emandako beharrezko gordailuak, borondatezkoak edo gainerako bermeak ere erabil ditzake.

Hilero bidaliko dio EUSKALTELek BEZEROari Zerbitzua jasotzeagatik ordaindu beharrekoari dagokion faktura. Arrazoi teknikoengatik sortzapenaren ostean ezin bada Zerbitzua fakturatu, ondoren aurkeztu ahal izango du faktura hori EUSKALTELek.

EUSKALTELek fakturazioaren kontuko aurrerakin gisa kantitate batzuk entregatzeko eska dezake, eta kantitate horiek ez dute BEZEROaren aldeko interesik sortuko, kontratatutako zerbitzuen eta/edo erabilitako kontsumo-bolumenaren arabera, EUSKALTELek aurrez zehaztutako eta BEZEROak onartutako zenbatekoarengatik. Deien balioa aurreratutako diru-kantitatea baino handiagoa balitz, EUSKALTELek berehala fakturatu eta kobratzeko bidali ahal izango du dagokion kantitatea edo ordaindu gabeko saldoa./p>

Aurrerakina entregatzean, EUSKALTELek ordainagiria egin behar du nahitaez, eta fakturazioan kontzeptua zehaztu behar da.

Kontratua iraungitzean, EUSKALTELek aurreratutako saldoa itzuliko dio BEZEROari, hala badagokio, beharrezko guztia egiaztatu ondoren, roaming zerbitzuari dagozkienak barne. Aurreratutako kantitateak kontratua haustean BEZEROak zor dituen kantitateen ordainketetan aplika daitezke, hala badagokio.

5.- ORDAINKETA-BERMEAK

BEZEROak alta-eskaera bidali ondoren, eta Kontratua indarrean dagoen artean, BEZEROaren eginbeharrak betetzen direla bermatzeko, honako hauek egin ditzake EUSKALTELek:

a. Ordaindu gabeko gordailu bat eskatu BEZEROari, esku-dirutan edo banku-abal bidez.

b. BEZEROari mailegu-muga ezarri.

c. BEZEROari tarifa altuetako, tarifa gehigarrietako eta nazioarteko beste zerbitzu batzuk murriztu.

Kasu hauetan erabili ahal izango dira neurri horiek, besteak beste:

- BEZEROak kontraturen bat ordaindu gabe badu, nahiz EUSKALTELena nahiz besteren batena izan.

- BEZEROA behin eta berriro atzeratzen bada EUSKALTELi ordaintzean edo Iruzur egiteko, berandu ordaintzeko edo zerbitzua modu desegokian erabiltzeko arriskua badago.

Dena dela, goiko zerrendan ez agertzeak ez du esan nahi EUSKALTELek ezin dituenik Kondizio Orokor honetan aurreikusitako neurriak hartu antzeko kasuetan.

Gordailua edo abala egiteko eskatzean, BEZEROak jasoko duela ziurtatzea ahalbidetzen duen moduren bat erabiliko da. BEZEROari gutxienez hamabost (15) egun emango zaizkio goian aipatutakoak egiteko, edo, hala dagokionean, ordaindu gabeko kantitateak ordaintzeko. Mailegu-muga edo zerbitzu-murrizketa egiteko, nahikoa izango da aldez aurretik EUSKALTELek BEZEROari jakinaraztea.

Beste abonu-kontratu bat(zu)en ordainagiriak ordaintzean behin eta berriz atzeratzeagatik eskatutako bermeei dagokienez, EUSKALTELek BEZEROari bidalitako fakturetan urtebetean (1) atzerapenik egon ez dela ziurtatzean itzuliko da gordailua. Dena dela, kasu horietan, eskatutako deposituaren edo abalaren zenbatekoa ez da izango BEZEROak linea horretan hiru (3) hilabetez batez beste kontsumitzen duena baino handiagoa.

Gainerako kasuetan, EUSKALTEL neurri horiek hartzera bultzatu zuten arrazoiak dagoeneko ez daudela ziurtatzean kenduko dira bermea, mailegu-muga edo zerbitzu-murrizketa. Ordaintzeko zorrak dituen BEZEROak Zerbitzuari baja emateko edo kontratuaren titularra aldatzeko eskatzen badu, EUSKALTELek bermea gauza dezake, eta zordundutako kantitatea kobratu; hartara, soberakina BEZEROarentzat izango da. BEZEROak faktura guztiak ordainduta baditu, gordailuko zenbateko osoa itzuliko zaio.

Hamabost (15) eguneko epean itzuli beharko da gordailua, itzultzeko eginbeharrak betetzen diren egunaren biharamunetik hasita

6.- ZERBITZUA ETETEA

BEZEROak zor dituen kantitateen zati bat edo zorra osorik ordaindu ez badu, kontratuari eta ordaindu gabeko zenbatekoen dokumentuei dagozkien eranskinetako zerbitzuak eteten edo irteerako deiak murritz ditzake EUSKALTELek. Ordaindu gabeko kantitateren bat dagoela ziurtatzen den egunaren biharamunetik aurrera egin daiteke murrizketa eta/edo etete hori.

EUSKALTELek zordundutako zenbatekoa ordainduta dagoela jakin eta hurrengo lanegunean gauzatuko ditu Zerbitzua berrezartzeko jarduerak.

Zerbitzua berriro aktibatuz gero, BEZEROak horri dagokion zenbatekoa ordaindu behar du.

Ordaintzeko dauden zerbitzuei bakarrik eragingo die etenak. Tarifa gehigarriaren zerbitzuak, Interneteko sarbidea edo publikoarentzat eskuragarri den telefono-zerbitzua ez diren bestelako zerbitzuak ordaintzen ez badira, zerbitzu horiek bakarrik etengo dira.

Tarifa gehigarriaren zerbitzuetako fakturazioarekin ados ez badago, BEZEROak Zerbitzua bertan behera utz dezake, betiere BEZEROak, tarifa gehigarriaren zerbitzuari dagozkion kontzeptuak kenduta, zenbatekoa ordaintzen badu. Kasu horretan, hartzekodunak tarifa gehigarriko zerbitzuengatik ohiko moduetan kobra dezake eta telekomunikazio-zerbitzuen fakturak beste modu batera kobra ditzake. Zerbitzua behin betiko bertan behera ez uzteko edo ez eteteko, BEZEROak dokumentu honetako 12. baldintzan aipatutako instantzietan erreklamazioa aurkeztu izana egiaztatu beharko du, eta zordundutako zenbatekoa gordailu gisa eman izana.

7.- ZERBITZUAREN BALDINTZAK

Zerbitzuaren erabilera egokiari dagokionez, BEZEROak EUSKALTELen jarraibideei eta jakinarazpenei egin behar die kasu, eta aireko nabigazioari eta trafikoari buruz agintariek indarrean jarritako xedapenak errespetatu behar ditu. EUSKALTEL ez da erantzule izango bere kontroletik kanpoko zirkunstantziak -halabeharra edo ustekabeko gertakariak adibidez- gertatzen direnean, ez eta ordena publikoak gailendu behar duenean ere.

Datozen A eta B puntuetan aipatzen diren kalte-ordainekin lotuta, erabat baztertuta geratzen dira EUSKALTELek emandako zerbitzu-operadorea ez den beste operadore batek atzerrian emandako eta haren sarean tarifatu gabeko nazioarteko deien estaldurazerbitzuak (roaming-a).

Estatuan, une bakoitzean zerbitzua ezarrita dagoen estaldura-eremuan soilik emango du zerbitzua EUSKALTELek. EUSKALTELek konpromisoa hartzen du estaldura-mugen barruan eta teknologiaren egoera aintzat harturik Zerbitzua erabilgarri edukitzeko. Edonola ere, kondizio orografiko eta/edo atmosferikoek eraginda, Zerbitzuan etenak badaude edo ez badabil ondo eta, ondorioz, ezin bada Zerbitzuan sartu, EUSKALTEL ez da horren erantzule izango, ez eta egin, ezagutu edo aurreikusi ez diren informazioedukiena eta zerbitzu osagarrien ondorio direnena ere.

A. TELEFONO MUGIKORREKO ZERBITZUA ALDI BATEZ ETETEAGATIKO ORDAINA

Telefono mugikorreko zerbitzua eteten bada, EUSKALTELek BEZEROari kalteak ordaintzeko konpromisoa hartzen du. Ordaindu beharreko zenbatekoak bi aukera hauen arteko handienaren parekoa izan behar du gutxienez:

a) BEZEROak zerbitzu horretan eten aurreko azken hiru hilabeteetan fakturatu duen zenbatekoaren batezbestekoa zati etenaldiaren iraupena eginda lortzen denzenbatekoa. Zerbitzua kontratatu eta hiru hilabete igaro aurretik gertatzen bada etenaldia, kontsumitutako hilabete osoetako batez besteko fakturaren zenbatekoaedo egindako kontsumo-epearekiko proportzioan kalkulatutako hilabetek zenbatekoa hartuko da aintzat.

b) Etenaldia gertatzen denean indarrean den hileko abonuaren kuota bost aldiz, etenaldiak irauten duen denboran hainbanatuta.

EUSKALTELek konpromisoa hartzen du BEZEROari kalteak automatikoki ordaintzeko hurrengo fakturan, zerbitzua eten dela eta euro bat baino gehiagoko kalte-ordaina eman behar denean.

Ezinbesteko arrazoiengatik etenez gero, EUSKALTELek abonu-kuotaren zenbatekoa eta trafikoarekin zerikusirik ez dutenena itzuliko dio BEZEROari, etenaren iraunaldiaren arabera proportzionalki hainbanatuta.

Lehen ezarritakoaz gain, EUSKALTELek ez du bere gain hartzen zerbitzua behar bezala ez eskaintzearen edo zerbitzua eten izanaren erantzukizunik kasu hauetan:

a) BEZEROak edo bere ardurapeko pertsonek kontratu honetan ezarritako baldintzak betetzen ez badituzte, nabarmen (batez ere, ordainketak atzeratzea).

b) BEZEROak, indarrean dauden arauen arabera ebaluatu gabeko bateragarritasuneko ekipo terminalak konektatzean, sareari kalterik eragiten badio.

B. DATUAK TRANSMITITZEKO ZERBITZUA (INTERNET) ALDI BATERAKO ETETEA

Interneteko zerbitzua etenez gero, EUSKALTELek konpromisoa hartzen du BEZEROari kalte-ordain hau emateko: zerbitzu horregatik azken hiru hilabeteetan fakturatutako zenbatekoaren batezbestekoa zerbitzua etenda egon den denboran hainbanatua.

Kalte-ordain hori automatikoki ordainduko da hurrengo fakturan, zerbitzuaren etena jarraitua edo ez-jarraitua izan bada eta 8:00etatik 22:00etara sei ordu baino gehiago iraun badu:

a) BEZEROak egindako kontratuaren baldintzen ez-betetze larriak.

b) BEZEROak, indarrean dauden arauen arabera ebaluatu gabeko bateragarritasuneko ekipo terminalak konektatzean, sareari kalterik eragiten badio.

C) TELEFONO MUGIKORRAREN EDO INTERNET MUGIKORRERA SARTZEKO ZERBITZUA ETETEAK KALTETUTAKO ERABILTZAILEEN ZEHAZTAPENA

Eremu bateko zerbitzu-etenak BEZERO bati eragiten diola esango da egoera hauetakoren bat gertatzean:

a) EUSKALTELek, bere informazio-sistemen bidez, badaki BEZERO hori eremu horretan zegoela etena gertatu den unean.

b) Kontratuan agertzen den helbidearen eremuan gertatu da etena, eta, EUSKALTELek, bere informazio-sistemen bidez, ezin du beste inon kokatu etena gertatu den garaian.

c) BEZEROak EUSKALTELi jakinarazi dio zerbitzua berrezarri eta 10 egun igaro baino lehen, adierazpen erantzule bidez, etena gertatu den unean eremu horretan zegoela, eta baieztapen horrek ez du kontraesanik sortzen EUSKALTELen informazio-sistemetako informazioarekin; azken hori EUSKALTELek BEZEROari jakinaraziko dio.

8.- DATU-ZERBITZUA ERABILTZEA

BEZEROak hitzematen du GPRS/UMTS/HSPA estatu barruko eta roaming-eko datu-zerbitzuen modalitate guztiak behar bezala erabiliko dituela. Hauek hartuko dira erabilera desegokitzat:

- Zerbitzua erabiltzea IP bidezko ahots-zirkulaziorako (VoIP), edo erabiltzaileen artean fitxategiak partekatzeko zirkulaziorako (P2P peer to peer).

- Hilean GPRS/UMTS/HSPAren 15 GBko zirkulazioa gainditzea EUSKALTELen sarean, indarrean dagoen edozein tarifarekin.

Baldin eta zerbitzuaren erabilera desegokia detektatzen bada, EUSKALTELek eskubidea du zerbitzua eteteko edo amaitzeko edo erabilera desegoki hori saihesteko neurriak hartzeko.

9.- SIM TXARTELA

BEZEROak SIM txartel bat jasotzen du zerbitzuan harpidetzen denean. EUSKALTEL da txartel horren jabea, eta, horren bidez, sar daiteke zerbitzura. Horrekin batera, BEZEROak isileko identifikazio-zenbaki pertsonal bat jasoko du; zenbaki hori terminalean sartu behar da erabili ahal izateko, eta, ondorioz, era konfidentzialean zaindu behar du. EUSKALTELek eskubidea du zerbitzuari eusten dioten SIM txartelen eta lineen aktibaziokopuru maximoa mugatzeko, titular baten alde, edo tarifa jakin bati lotutako lineakopurua mugatzeko. Baldintza Orokor hauek ez dute babesten SIM txartelak mugikorretatik kanpo erabiltzea, ez eta ezein sistema automatikoen bitartez ere, EUSKALTELek aurrez berariaz baimendu ezean. Halako erabilera bidegaberik atzemanez gero, EUSKALTELek eskubidea izango du zerbitzua eteteko eta kontratua berehala eta abisurik gabe desegiteko.

Neutraltasun teknologikoaren printzipiopean, SIM txartela identifikazio-zenbaki pertsonal horri eta telefono-zenbaki bati lotuta dagoela ikusita, SIM txartela eta/edo BEZEROari emandako sarbide-gakoa erabilita egindako komunikazio guztiak hark edo haren baimenarekin egindakoak direla joko da; beraz, Baldintza Orokor hauen eta Legearen arabera, hura da erantzulea. BEZEROak egindako jakinarazpenei buruz bi aldeen artean sor daitezkeen eztabaidak ebazteko, aldeek baliagarritasun frogagarria aitortzen diete zerbitzuen sistema informatikoek sortutako edo gordetako erregistroei, baldin eta ez badago BEZEROak bere kontura egindako aurkako probarik.

BEZEROaren esku dago zerbitzu eta/edo funtzio guztiak arduraz erabiltzea. EUSKALTELek ez du bere gain hartzen BEZEROak edo hirugarren batek SIM txartelak eta/edo haren sarbide-gakoak galtzeagatik, hondatzeagatik, lapurtzeagatik edo gaizki erabiltzeagatik sor daitezkeen ondorioen erantzukizunik. Hala ere, EUSKALTELek, aurretik BEZEROA identifikatuta eta egoera pertsonalaren berri emanda, bere eskura dauden neurriak har ditzake BEZEROari kalterik ez eragiteko, BEZEROak, Bezeroarentzako Arreta Zerbitzuaren bidez, SIM txartela eta/edo sarbide-gakoak galdu edo lapurtu dizkiotela konturatu dela edo susmatzen duela jakinarazten duenetik edo hirugarren batek horren berri detektatu duela jakinarazten duenetik, eta, SIM txartela lapurtuz gero, agintari eskudunen aurrean egindako salaketa egiaztatu denetik, eta, EUSKALTELena den eta BEZEROari utzi dion SIM txartela galduz gero, horren berri eman denetik.

BEZEROari SIM txartel gehigarri bat (ECO txartela) emanez gero, SIM txartel nagusiarekin batera erabil dezakeena deiak jaso eta egiteko, aurrez aurreikusitakoa aplikatuko da, eta BEZEROA da SIM txartelarekin egindako trafiko, erabilera eta erabilera okerren eta haren erabileragatik sor daitezkeen karguen arduraduna.

Galdu edo lapurtuz gero, EUSKALTELek ahalik eta azkarren emango di(zki)o SIM txartel berria(k) BEZEROari. EUSKALTELek BEZEROari baldintza onuragarriagoak aplikatzea erabakitzen ez badu, hark berritzea ordaindu beharko du, jasotzen duen unean bertan. BEZEROak galdutako/lapurtutako SIM txartela berreskuratzen badu, EUSKALTELi itzuli behar dio.

SIM txartela EUSKALTELi itzuli beharko zaio, arrazoi teknikoengatik, operatiboengatik edo beste arrazoiren batengatik ordezkatzeko edo aldatzeko eskatuko balu EUSKALTELek, betiere Zerbitzua hobetzeko; Zerbitzua behin betiko eteteko ere itzuli egin behar zaio SIM txartela. EUSKALTEL arduratuko da akastunak diren edo erabili ezin diren SIM txartelez, Legeak adierazten duena kontuan hartuta, kasu hauetan izan ezik: eraginkortasunik eza BEZEROaren trebetasunik ezak, arduragabekeriak eta/edo hutsegiteak eragin badu. EUSKALTELek doan konponduko du SIM txartela, edo haren ordez beste bat emango du, gutxienez entregatzen denetik hamabi hileko epean.

10. AURREZTE-MODULUAK

Aurrezte-modulutzat hartuko dira BEZEROak, hileko kuota finko bat ordainduta eta aukeratutako dei-mota baterako, ohiko tarifa baino merkeago kontratatzen dituen produktuak.

Modulu-mota horrentzat, lineako eta hileko 1.000 minuturen muga ezartzen da kontratuz (ezin da beste linea batzuekin metatu) eta gehigarri gisa 150 xede-telefono finko edo mugikor (xede-motaren edo ordutegi jakin baten araberako aurrezte-moduluak badira).

11. DATU-TRANSMISIOA

SIM txartelaren bidez eta ekipo terminal egokia erabilita, BEZEROak datuak bidali eta jaso ahal izango ditu GPRS/UMTS/HSDPA teknologien bidez (eskuragarritasunaren arabera). Datuen zerbitzuak jasotzearen ordainetan, bidalitako edo jasotako datuen bolumenaren araberako kuotak eta tarifak ordaindu behar ditu BEZEROak.

BEZEROak onartzen du jakinarazi diotela SIM txartelak datu-tarifa bat aktibatua duela lehenespenez, eta datu-transmisioko bonu edo tarifa bereziak kontrata ditzakeela (estatu barrukoak edo nazioartekoak

EUSKALTEL ez da web-orri/WAP-etan egon daitezkeen edukien erantzule. Atari horiek guztientzat eskuragarri daude, edozein sarbide-teknologia edo konexio dutela ere, eta hainbat pertsonak edo erakunde hornitzailek emandako informaziorako, edukietarako, produktuetarako edo zerbitzuetarako sarbidea dira.

EUSKALTELek ez du, inolaz ere, erantzukizunik izango -ez zeharka, ez subsidiarioki- beste pertsona edo entitate batzuek ematen edo eskaintzen dituzten produktu edo zerbitzuen gainean, edo hirugarren pertsona batek sortu edo eman eta web-orri/WAP bidez zabaldutako informazio, ohartarazpen edo iritzien gainean.

BEZEROak espresuki onartzen du EUSKALTELek ez duela erantzukizunik EUSKALTELen sarean edo EUSKALTELen sarea erabiliz BEZEROA sar daitekeen sareetan dabiltzan datuen, programen, informazioen edo iritzien -edozein jatorri dutela ere- kalitate, zehaztasun, fidagarritasun, zuzentasun edo moralitatean. Goian aipatutako edukietara sartzeagatik eta horiek kopiatzeagatik edo hedatzeagatik sor daitezkeen ondorio, kalte edo ekintzen erantzukizun osoa bere gain hartzen du BEZEROak. EUSKALTEL ez da izango edozein BEZEROren arau-hausteak EUSKALTELeko beste BEZERO baten, edo hirugarren baten, eskubideetan izan ditzakeen eraginen erantzule, eskubide hauek barne: copyrighta, markak, patenteak, informazio konfidentziala eta jabetza intelektualaren edo industriajabetzaren beste edozein eskubide.

Aurreko guztiaz gain, EUSKALTELek berehala eta aurrez jakinarazi gabe Internetera sartzeko zerbitzua eten dezake -bere irizpidearen arabera eta kalte-ordainik eragin gabe gabe eta, dagokionean, sarean dabiltzan legez kanpoko edukiak ken ditzake, BEZEROA hirugarrenen eskubideak (intimitatea, ohorea, norbere irudia, komunikazioen sekretua, jabetza intelektuala eta industriala, datuen babesa, etab.) urratzen ari dela jakinez gero; hala nola, BEZEROak EUSKALTELeko zerbitzaria erabiltzen badu (adibide gisa eta izaera murriztailerik gabe), (a) material, gai edo informazio ilegala, lizuna, pornografikoa, neurriz kanpokoa, difamaziozkoa, engainagarria eta moralaren edo ordena publikoaren kontrakoa argitaratzeko, hedatzeko, jakinarazteko edo banatzeko, (b) zerbitzu horien bidez erabil daitezkeen edukietan, programetan edo sistemetan kalteak edo aldaketak eragin ditzaketen birusak, appletak, ActiveX kontrolak, fitxategi akastunak, edo beste edozein software edo programa informatiko sartzeko edo jartzeko, (c) baimenik gabe web-orri pertsonalak edo beste erabiltzaileen posta elektronikoa iruzur bidez aldatzeko edo kontrolatzeko, (d) EUSKALTELeko zerbitzariei edo beste batzuei -EUSKALTELeko bezero diren ala ez kontuan hartu gabe- mezu elektroniko masiboak eta/edo mezuak behin eta berriro bidaltzeko (spam), (e) dagokionean eskain daitezkeen zenbait zerbitzu (adibidez, berriketaguneak, net meeting-ak, berri-taldeak, foroak etab.) dagokion funtzionamendu eta helburuarekiko bidegabe erabiltzeko edo behar den bezala ez erabiltzeko.

EUSKALTELek berez ematen dituen zerbitzuen eta EUSKALTELek berak zuzenean sortutako edukien (copyright-ekin identifikatuta daude) erantzukizuna baino ez du izango. Erantzukizun hori salbuetsi egingo da halabeharrezko arrazoiak daudenean edo BEZEROaren ekipoen konfigurazioa EUSKALTELek eskaintzen dituen zerbitzuak behar bezala erabiltzeko egokia ez denean.

BEZEROaren ardura da birusak eta sarkinak sisteman sartzeko saiakuntzak eragozteko behar diren segurtasun-neurriak hartzea. EUSKALTELek ez du inolaz ere bere gain hartuko Internet bidez beste batzuk sisteman sartzeagatik gerta daitezkeen kalteen edo lortzen ez diren irabazien gasturik edo kalte-ordainik.

Terminal egokiak erabilita, BEZEROA bere terminaletik sartu ahal izango da helbide elektronikora. Helbide elektronikoko postontzira sartu eta mezurik dagoen egiaztatzea datuen trafikoa da, eta indarrean dauden tarifen arabera ordainduko da. Horregatik, postaren egiaztatze automatikoa bere beharren arabera konfiguratzeko gomendatzen zaio BEZEROari.

12.- ERREKLAMAZIOAK

Bezeroarentzako Arreta Zerbitzuaren bidez jo ahal izango du BEZEROak EUSKALTELera, behar bezala identifikatuta eta egoera pertsonalak egiaztatuta, Zerbitzuarekin lotutako funtzionamenduari, prezioari, fakturazioari, kalteen ardurari edo beste edozein arazori buruz erreklamazioa aurkezteko, erreklamazio hori eragiten duen gertaeraren berri dakienetik hilabeteko epean. Erreklamazioak BEZEROak telefonoz egin ditzake Bezeroarentzako Arreta Zerbitzura (900 840 840) edo horren ordez jartzen denera deituta, posta arruntaren bidez helbide honetara idatzita: "EUSKALTEL SA", Erreklamazioak, 6025 posta-kutxatila, 48080 P.K., Bilbo; eta www.euskaltel.com web-orriko on line formulario baten bidez.

Erreklamazioa egin ondoren, BEZEROak hilabeteko epean EUSKALTELen erantzun egokirik jaso ez badu, erreklamazio egin ahal izango du Telekomunikazioetarako eta Informazioaren Gizarterako Estatu Idazkaritzan, Kontsumoko artekarien Batzordeetan BEZEROaren eskubideak defendatzeko erreklamazioak egiteko eskubidea galdu gabe, EUSKALTELera mugatuan atxiki baita batzorde horietara, mendekotasun-eskaintza publikoaren bidez.

13.- KOMUNIKAZIOEN SEKRETUTASUNA

EUSKALTELek konpromisoa hartzen du une bakoitzean eskura dituen eta behar dituen bitarteko teknikoak hartzeko, konstituzioz onartutako komunikazioen sekretutasuna berma dezan, dagokionean, erabaki daitezkeen esku-hartze legalei eragin gabe. EUSKALTELek ez du inolako erantzukizunik izango BEZEROak edo hirugarrenek telefonoko elkarrizketa grabatzearen gainean, ezta horien erabilerari edo publizitateari eta, oro har, EUSKALTELi edo Zerbitzuaren operadoreari egozterik ez dagoen ekintza edo hutsegiteen gainean ere, horiek komunikazioaren konfidentzialtasuna eta sekretutasuna errespetatzen ez badute ere.

14.- DATU PERTSONALEN BABESA

Datu pertsonalak babesteko araudiari jarraiki, EUSKALTELek Bezeroari jakinarazten dio zerbitzu-prestazioa dela-eta jasotako datu pertsonalak fitxategi batean sartuko direla(automatizatua eta ez-automatizatua), EUSKALTELek berak sortua eta bere ardurapean dagoena eta kontratu-harremana mantentzeko eta kudeatzeko erabiltzen dena.

Fitxategi hori klausula honetan eta kontratu honen karatulan adierazitako helburuetarako erabiliko da.

Berariaz kontrakorik adierazi ezean -kontratuaren karatulan zenbait lauki markatu behar dira horretarako-, Bezeroak baimena ematen dio EUSKALTELI bere datuak EUSKALTELen produktu eta zerbitzu guztien merkataritza-sustapenerako erabiltzeko.

Halaber, eta berariaz kontrakorik adierazi ezean -kontratuaren karatulan dagokion laukia markatu behar dira horretarako-, Bezeroak baimena ematen dio EUSKALTELi bere zirkulazioeta fakturazio-datuak erabiltzeko merkataritza-sustapenerako eta balio erantsiko zerbitzuak emateko.

Horrez gain, Bezeroak baimena ematen du trebakuntzako edo informazio-ekintzak egiteko eta merkatu- eta iritzi-ikerketetan parte hartzeko bere datuak erabiltzeko.

EUSKALTELek Bezeroari jakinarazten dio noiznahi ezezta ditzakeela klausula honetan zein kontratuaren karatulan zehaztutako baimenak.
EUSKALTELek BEZEROari jakinarazten dio kontratu honen karatulan azaltzen diren datuak nahitaez bete behar direla -datu horiek gabe, EUSKALTELek ezin du zerbitzua eskaini-,eta borondatez betetzeko azaltzen direnak betetzeko aukera duela.

Indarrean diren xedapenak errespetatuz jaso diren datu pertsonalen fitxategi automatizatuetara sartuta. Halaber, Bezeroak emandako datuen zehaztasuna begiratzeko eskubidea ere badu EUSKALTELek.

EUSKALTELek Bezeroari jakinarazten dio telekomunikazio-zerbitzuak jasotzeagatik zor dituen zenbatekoak horretarako aurreikusitako epean ordaindu eta indarrean den araudian ezarritako baldintzak bete ezean, diru-betebeharrak ez betetzeari buruzko fitxategietan sar daitezkeela ordaindu gabeko zenbatekoari buruzko datuak.

Halaber, EUSKALTELek Bezeroari jakinarazten dio datu pertsonalak babesteariburuzko1999ko abenduaren 13ko 15/1999ko Lege Organikoan ezarritakoaren eta horretarako aplika daitezkeen araudien arabera, noiznahi erabil dezakeela datu pertsonaletara sartzeko,horiek zuzentzeko, ezeztatzeko, edo horiei aurka egiteko eskubidea. Horretarako, idatzi bat bidali behar dio, postaz, EUSKALTELi, egindako eskaera adieraziz eta NANaren fotokopia erantsiz, helbide honetara: 24 posta-kutxa, 48860, Zalla (Bizkaia). Bestela,Bezeroentzako Arreta Zerbitzura deitu (1717, edo horren ordez dagokiona), edo mezu elektroniko bat bidali (info@euskaltel.com).

EUSKALTELek bere gain hartzen du datu pertsonalak sekretupean gordetzeko eta zaint EUSKALTELek bere gain hartzen du datu pertsonalak sekretupean gordetzeko eta zaintzeko konpromisoa; eta ez aldatzeko, ez galtzeko, ez tratatzeko edo baimenik gabe ez erabiltzeko behar diren neurriak hartuko ditu, datu pertsonalak dituzten fitxategi automatizatuen eta ez-automatizatuen segurtasun-neurriei aplikatu beharreko araudiari, indarrean dagoenari, jarraiki. Jatorrizko linea eta linea konektatua identifikatzeko zerbitzuei buruzko eskubideak

15.-BESTE NORBAITI LAGATZEA

Kontratu honi dagokion zerbitzua pertsonala da. BEZEROak ezin du kontratu hau eta bertatik eratorritako eskubideak eta betebeharrak laga, EUSKALTELek aurrez horretarako baimena idatziz eman ez badu. EUSKALTELek titulartasun-aldaketa onartzen badu, BEZEROak ordainduko du aldaketa hori kudeatzeak duen kostua, indarrean dauden tarifetan ezarritakoaren arabera.

Ez dira lagapentzat hartuko sozietatearen eragiketak, adibidez, EUSKALTELen jardueraren alorraren transformazioa, fusioa, zatiketa edo transmisioa. Kasu horietan, nahikoa da BEZEROari jakinaraztea.

16.- KONTRATUA IRAUNGITZEA ETA EZEZTATZEA

Kontratu honen iraupena mugagabea da, eta ondoren agertzen diren egoerengatik deuseztatuko da:

a. EUSKALTEL zerbitzu horiek emateko gaitzen duen titulua iraungi delako. Hori gertatuz gero, BEZEROak ez du kalte-ordainik jasotzeko eskubiderik izango.

b. Aldeetako batek kontratu honetan aurreikusten diren betebeharrak betetzen ez baditu, kontratua hauts daiteke.

c. BEZEROak hala eskatuta eta aurrez modu frogagarrian jakinarazita, 2 lanegun lehenago, gutxienez. Horretarako, helbide honetara idatzi behar du, posta arruntez: "EUSKALTEL, SA" , ZERBITZUAN BAJA EMATEA, 24 FD POSTA-KUTXATILA, 48860 ZALLA (BIZKAIA).

d. BEZEROak kontratu hau jaso eta 10 eguneko epean ez badio bidali EUSKALTELi hau behar bezala sinatuta, EUSKALTELek kontratu hori eten dezake, eta, beraz, ez da indarrean egongo.

e. Ustekabekoa gertatu delako.

f. EUSKALTELek berehala eten dezake kontratu hau baldin eta BEZEROak modu irregularrean erabiltzen badu Interneteko zerbitzua, legez kanpoko ekintzak eta beste erabiltzaile batzuei edo EUSKALTELen sareari kalte egiten dienak egiten baditu, bereziki Spam eta/edo MailBombing egiten badu.

Kontratua amaitutakoan, BEZEROak eskubidea izango du ordaindutako bermegordailua jasotzeko, itzul baldin badaiteke, inongo interesik gabe.

Edonola ere, nahiz eta kontratu hau amaitu edo ukatu, BEZEROak ordaindu egin behar ditu EUSKALTELekin hitzartutako ordainketa-betebeharrak; hau da, amaitu edo ukatu den kontratuan agertzen diren zerbitzuak deskonektatu arte, BEZEROak ordaindu egin behar ditu jaso dituen zerbitzuak.

BEZEROak zor dituen zenbatekoen ordaintzea atzeratzeagatik kontratu hau amaitzeaz eta horri buruz kontratuan ezartzen direnak aplikatzeaz gain, EUSKALTELek judizialki erreklamatu ahal izango ditu BEZEROaren jardueraren ondorioz sortutako kalteak, bai eta BEZEROak zordundutako zenbatekoak edo itzuli ez dituen ekipoak edo hondatuta itzulitakoak eta/edo estetika- eta/edo erabilera-kalteak dituztenak ere. Halaber, BEZEROak EUSKALTELen jardueraren ondorioz sortutako kalteak erreklamatzeko aukera izango du, bai eta EUSKALTELek bidegabe kobratu dizkion zenbatekoak ere.

BEZEROak zor zituen zerbitzuak ordaintzen atzeratzeagatik kontratua bertan behera utzi bada, eta gero zerbitzuan alta eman badu, BEZEROak berriz ordaindu behar dio EUSKALTELi une horretan indarrean dagoen alta-kuotaren zenbatekoa eta ordaintzeko duen zorra, zor zuen zenbatekoa kobratzeko behar izan diren kudeaketa estrajudizialen edo judizialen ondorioz sortutako gastu administratiboak eta abokatuaren, prokuradorearen eta abarren gastuak barne. Era berean, EUSKALTELek eskubidea du BEZEROari promozioak, eskaintzak edo deskontuak ez aplikatzeko, ordainketetan atzeratu bada edo uneren batean zegozkion kuotak edo zerbitzu kontratatuak ordaindu ez baditu eta EUSKALTELeko zerbitzuak berriz kontratatzen baditu.

17.- APLIKA DAITEKEEN LEGEDIA ETA ERREGIMENA

BEZEROak eta EUSKALTELek kontratua egin dute zerbitzuaren operadoreak telefonia mugikorraren Zerbitzua BEZEROari eman diezaion, une bakoitzean indarrean dagoen Espainiako araudiari lotuta. EUSKALTELek edozein unetan alda ditzake kontratua eta kontratatutako baldintzak, hilabeteko aurrerapenarekin jakinarazten badio BEZEROari. Nolanahi ere, BEZEROak informazio zehatza eskatu ahal izango du Bezeroarentzako Arreta Zerbitzuaren bidez. BEZEROA aldaketa horrekin ados ez badago, EUSKALTELi adieraz diezaioke kontratua ezeztatu nahi duela, jakinarazpena jaso eta hilabeteko epean. Epe hori igaro bada eta EUSKALTELek ez badu jakinarazpenik jaso, BEZEROak aldaketa onartu duela ulertuko da. Baldintza orokorren bertsio eguneratua saltokietan eskura daiteke. Baldintza orokor horietako bat baliogabea edo eraginik gabekoa dela adierazten bada, ez du eraginik izango gainerako baldintzen baliotasunean edo eraginkortasunean. Hau da, baldintza horiek lotesleak izango dira bi alderdientzat. Kontratua Espainiako legeriak arautuko du, eta legeri hori aplikagarria izango da kontratuaren interpretazioari, baliotasunari eta betetzeari dagokienez.

18.- ZERBITZUAN IRAUTEKO KONPROMISOAK

Hala badagokio, BEZEROak kontratu honen eranskinak sina ditzake zerbitzua denboratarte jakin batean kontratatua izateko, eta, hala, abantailak, deskontuak eta ekipamendua eskuratzeko sustapen-prezioan. Hala bada, eranskin horietan aurreikusitako eskubide eta betebehar bereziak ere ezar daitezke.

19.- URRUNEKO KONTRATAZIOAN UKO EGITEKO ESKUBIDEA

BEZEROak urrunetik kontratatu badu (telefonoz, hirugarren egiaztatzaile batek esku hartuz, edo, elektronikoki, EUSKALTELen webguneren bidez), eskubidea izango du kontratazioari uko egiteko, kontratazioaren baieztatze-dokumentazioa jaso eta zazpi egunen barruan. Eskubide hori gauzatzeko, 1717 bezeroarentzako arreta-zerbitzuko telefono-zenbakira (edo haren ordezkora) deitu behar du.

20- LARRIALDI-ZERBITZUETARAKO SARBIDEA

EUSKALTELek eskaintzen duen ahots-zerbitzuaren bidez, doan erabil daitezke larrialdi-zerbitzuak. Larrialdi-deia egiten duen pertsonaren kokalekuaren berri emango zaie larrialdi-zerbitzuei, hala behar izanez gero.

TARIFAK

Tarifei buruzko informazio guztia, hemen: http://www.euskaltel.com/tarifak

MUGIKORTASUNEKO DATUEN ZERBITZUA EMATEKO KONTRATUA

Teknologia mugikor bidez datuak bidaltzeko eta jasotzeko zerbitzuan abonatzeko kontratua sinatzeak esan nahi du onartu egiten direla Baldintza Orokorrak. Baldintza horiek hauen arabera egin dira: 2/2003 Telekomunikazioen Lege Orokorra, garapen-araudia, kontsumitzaileak eta erabiltzaileak babesteari buruz indarrean dauden legeak eta Kontratazioko Baldintza Orokorrak.

1.- KONTRATUAREN HELBURUA.

Iraupen zehatzik ez duen kontratu honen bidez —hala dagokionean, kontratuaren gutxieneko epeari atxikiko zaio edo aldi baterako iraupen-konpromisoa hartuko da—, EUSKALTEL SAk (hemendik aurrera EUSKALTEL) GPRS, UMTS eta HSDPA teknologia mugikorren bidez datuak bidaltzeko eta jasotzeko zerbitzua jarriko du aipatutako pertsona fisikoen edo juridikoen eskura, kontratuaren azalean agertzen den aukeraren arabera, erbitzuari buruzko informazioan azaldutako zerbitzuak eta etorkizunean emango direnak, dagozkien tarifen arabera, kontratua indarrean dagoen bitartean, BEZEROAREN onespenarekin, eta kasu bakoitzerako aurreikusitako kreditu-mugen barruan. Zerbitzua BEZEROARENTZAT da zerbitzuaren azken erabiltzaile gisa, eta kontratuak ez du babesten datu-trafikoa birsaltzea, ez merkaturatzea, modua edozein dela ere, baldin eta zerbitzuaren operadoreak aurrez eta berariaz onespenik edo baimenik eman ez badu. Halaber, zerbitzua kontratatzeak ez du kalifikatzen, definitzen, babesten edo zilegi egiten BEZEROak operadore mugikor birtual gisa jardutea edo parte hartzea eta/edo zerbitzua modu horretan erabiltzea; ezta antzeko figura gisa ere, inola ere ez baita halakorik kontratuaren helburuan sartuko. Ondorioz, BEZEROAK ez du/ditu manipulatuko edo aldatuko azken erabiltzaile izan gabe zerbitzua erabiltzeko aukera ematen dioten elementuak, ekipoak eta instalazioak.

2. KALITATEA.
EUSKALTELek agindutako zerbitzuaren gutxieneko kalitate-mailak, aurten indarrean daudenak, erakunde eskudunei jakinarazten zaizkie eta EUSKALTELen web-orrian argitaratzen dira: www.EUSKALTEL.com Halaber, zerbitzuaren gutxieneko kalitate-mailaren berri ematen duen dokumentua ohiko postaz bidaltzea eska dezake BEZEROak. Zerbitzuaren kalitatea ez betetzeagatik eman beharreko kalte-ordainari dagokionez (912/2006 ITM Aginduaren ondoriozkoa), EUSKALTELek konpromisoa hartzen du BEZEROari kalte-ordaina emateko baldin eta hark ez badu datuen transmisio-zerbitzua (Internet) hilean zazpi (7) orduz baino gehiagoz erabili ahal izan (hilabetea da BEZEROaren fakturazio-epea). BEZEROak EUSKALTELi jakinarazi behar dio zerbitzua etendako eremuan egon dela etenda zegoen artean, Bezeroarentzako Arreta Zerbitzura helarazitako erantzukizun-adierazpen bidez, Zerbitzua berrezarritako datatik zenbatzen hasita hamar (10) eguneko epean. Emandako informazioak ezin du kontraesanik izan EUSKALTELen informazio-sistemetan dauden datuekin. Hala izanez gero, jakinarazi egin beharko dio EUSKALTELek BEZEROari. Zerbitzua etenez gero, EUSKALTELek konpromisoa hartzen du BEZEROari kalte-ordain hau emateko: zerbitzu horregatik azken hiru hilabeteetan fakturatutako zenbatekoaren batezbestekoa zerbitzua etenda egon den denboran hainbanatua.

3.-ZERBITZUAREN PREZIOA.
Zerbitzua erabiltzeko unean indarrean dauden Tarifen eta gainerako baldintza orokorren eta/edo zehatzen, eskaintzen edo sustapen ekonomikoen arabera kontratatutako prezioak, kuotak, bonuak eta, dagokionaren arabera, gutxieneko kontsumoak aplikatuko zaizkio egindako ahots- eta/edo datu-trafikoari. Hasieran, hitzarmena sinatzen den unean indarrean dauden tarifen informazioan daudenak aplikatuko dira. Zerbitzuaren prezioan EUSKALTELek aplika ditzakeen kontzesioak, sustapenak eta/edo deskontuak egoera jakinetara mugatuko dira, eta ez dira izango, inola ere, BEZEROaren aldeko aurrekariak. Fakturazio-ziklo bakoitzean, BEZEROak tarifa-aldaketa bat egin dezake inolako kosturik gabe. Ondorengo aldaketek 6 euroko kostua izango dute BEZEROarentzat. Bestalde, BEZEROak tarifa ez aldatzeko konpromisoa hartzen badu eta ez aldatzeko epe hori igaro baino lehen tarifa aldatzen badu, ezarritako zigorra ordaindu behar dio BEZEROak EUSKALTELi, hala dagokionean. BEZEROari fakturan deskontuak egiten bazaizkio edo BEZEROarentzako kosturik gabeko denboraeremuak edo ordu-tarteak dituen tarifak, tarifa finkoak edo telefono-trafikoko denboragatiko edo bolumenagatiko gehienezko fakturazio-muga aplikatzen bazaio, horiek ez dira bateragarriak deiak edo trafikoa kontzentratzeko, aldatzeko edo bihurtzeko sistemekin. Horrelakorik gertatuz gero, EUSKALTELek eskubidea du kontratua eteteko eta BEZEROari izandako trafikoa fakturatzeko, muga edo deskontu horiek aplikatuta edo gabe. Tarifa finkoak edo telefono-trafikoaren denboragatiko edo bolumenagatiko gehienezko fakturaziomuga izanez gero, Estatistika Institutu Nazionalak edo haren ordezko erakunde ofizialak argitaratutako Kontsumoko Prezioen Indizeak urtean izaten duen igoeraren baliokidea aplika diezaieke EUSKALTELek. BEZEROak legez dagozkion zergak, tasak eta karga fiskalak ordaindu behar ditu. Kontratuan egindako aldaketa guztiak, tarifetan egindakoak bereziki, jakinarazteko konpromisoahartzen du EUSKALTELek. Indarrean sartu baino hamar (10) egun lehenago, gutxienez, jakinaraziko dizkie aldaketak gaian eskumena duten erakundeei, eta BEZEROari, berriz, indarrean sartu baino hilabete (1) lehenago. BEZEROari jakinarazteko, fakturan bidalitako mezu bat (EUSKALTELen weborrian —www.euskaltel.com— sartzeko estekarekin) edo beste bitartekoren bat erabil daiteke. BEZEROak hala eskatuko balu, idatziz eta guztiz doan jakinaraziko litzaioke aldaketa hori. Jakinaraziondoren BEZEROak Zerbitzua erabiltzen jarraitzen badu, onartutzat emango da.

4.-FAKTURAZIOA ETA ORDAINTZEKO MODUA.
EUSKALTELek BEZEROak hautatutako modalitatean fakturatuko ditu Zerbitzua erabiltzeagatik BEZEROak ordaindu beharreko zenbatekoak. Fakturak BEZEROak EUSKALTELi idatziz emandako azken helbidera bidaliko dira, baina ez da baztertuko euskarri informatikoko fakturazioa, aldeek hala hitzartzen badute. EUSKALTELen Kudeaketa Sistemak —fakturatzeko eta kobratzeko prozesua sartzen da— ISO 9001:2000 kalitate-arauaren ziurtagiria du, eta kanpoko erakunde batek ikuskatzen du aldizka. Fakturetan banakatuta agertuko dira BEZEROari emandako zerbitzuengatik, sustapenengatik, deskontuengatik, EUSKALTELek eskainitako gainerako baldintzengatik eta, kasu bakoitzean, legez aplikatu beharreko zergengatik ordaindu beharreko kantitateak. BEZEROak, bere nortasuna idatziz egiaztatu ondoren eta EUSKALTELi hala eskatzen dionean,eskubidea du faktura xehatuak ez jasotzeko eta oinarrizko zerbitzuaren faktura independenteak jasotzeko, eta, hala izanez gero, tarifa altuei dagozkienak ere bai, indarrean dauden xedapenen arabera. BEZEROak faktura xehatua ez jasotzeko, hura izateko eta ezagutzeko eskubidea galdu gabe, EUSKALTELek fakturetan tarifa gehigarrien zerbitzuei laguntzeko zerbitzuei dagozkien fakturak eta tarifa gehigarriko zerbitzu-emaileei dagozkien fakturak xehatuko ditu, ahal bada, zerbitzu-emaile horien nortasuna eta identifikazio fiskaleko zenbakia adierazita. Zerbitzu-emaileen nortasuna ezagutzen ez bada, EUSKALTELek tarifa gehigarriko sare-operadorearen nortasunaren berri emango du BEZEROak harengana jo dezan zerbitzu-emaileak nor diren jakiteko. Atzerrian egindako eta jasotako konexioen zenbatekoa atzerriko operadoreen sarea erabiltzeko ezarritako zordunketen eta prezioen arabera ordaindu beharko du BEZEROak; horiek ez ditu EUSKALTELen sarean tarifatzen eta EUSKALTELek BEZEROari kobratzen dizkio fakturan, deien nazioarteko estaldura-zerbitzuari (roaming-a) dagozkion baldintza zehatzen arabera. Horiek BEZEROari ematen zaizkio eta Bezeroarentzako Arreta zerbitzuaren bidez jaso daiteke informazio gehiago, baita Interneten ere, EUSKALTELen webgunean. Roaming-aren bidez jasotako deien jatorria ez da xehatuta emango. Ondoren ordaintzeko zerbitzuan, BEZEROak banku-helbideratzearen bidez ordainduko ditu fakturak, BEZEROak adierazi duen banku-kontuan. BEZEROak konpromisoa hartuko du kontu horretan EUSKALTELi zor dion diru-kopurua ordaintzeko beste saldo edukitzeko beti; bestela,EUSKALTELeko egoitzan esku-dirutan egin dezake ordainketa, baina ordaintzeko modu hori berariaz aukeratu behar da. Banku-kontua irekia duen finantza-erakundeak EUSKALTELen jakinarazpena jasoko du, BEZEROak ordaindu beharreko zenbatekoaren berri emanez. Fakturan epemuga adieraziko da. Lehenespenez, aurreko aldietan erabilitako zerbitzuen fakturazio-zikloa hilean behingoa izango da, baldin eta BEZEROak eta EUSKALTELek beste ziklo bat hitzartzen ez badute. Hala ere, EUSKALTELek aukera du dagokion kantitatea edo ordaindu beharreko saldoa berehala fakturatzeko edo kobratzera bidaltzeko, kasu hauetan:

• BEZEROak aurrez zehaztutako aurrerakinak gainditu baditu;
• zerbitzua eten bada;
• kontratua iraungi edo hautsi bada edo zerbitzua eten bada;
• BEZEROak zerbitzua emateko baldintza orokor hauek bete ez baditu.

Aurreikusitako egunetan ordaindu gabeko fakturek, kreditu-erakundeari dagozkion arrazoiengatik ez bada, legezko interesa sortuko dute. BEZEROak ordainketetarako hautatutako bankuan kobratzeko aurkeztutako kantitateak ordaintzen ez badira, EUSKALTELek eskubidea du zordunketa edo erantzun gabeko zenbatekoari dagokion komisioa ordain dadin eskatzeko (komisioa gehienez itzulitako kantitatearen % 2 da, eta gutxienez 2 eurokoa izango da). EUSKALTELek zordundutako kantitate osoa berehala kobra dezake, BEZEROak horretarako emandako kreditu- edo zordunketatxartelean zordunduta; BEZEROak emandako beharrezko gordailuak, borondatezkoak edo gainerako bermeak ere erabil ditzake. Hilero bidaliko dio EUSKALTELek BEZEROari Zerbitzua jasotzeagatik ordaindu beharrekoari dagokion faktura. Arrazoi teknikoengatik sortzapenaren ostean ezin bada Zerbitzua fakturatu, ondoren aurkeztu ahal izango du faktura hori EUSKALTELek. EUSKALTELek fakturazioaren kontuko aurrerakin gisa kantitate batzuk entregatzeko eska dezake, eta kantitate horiek ez dute BEZEROaren aldeko interesik sortuko, kontratatutako zerbitzuen eta/edo erabilitako kontsumo-bolumenaren arabera, EUSKALTELek aurrez zehaztutako eta BEZEROak onartutako zenbatekoarengatik. Deien balioa aurreratutako diru-kantitatea baino handiagoa balitz, EUSKALTELek berehala fakturatu eta kobratzeko bidali ahal izango du dagokion kantitatea edo ordaindu gabeko saldoa. Aurrerakina entregatzean, EUSKALTELek ordainagiria egin behar du nahitaez, eta fakturazioankontzeptua zehaztu behar da. Kontratua iraungitzean, EUSKALTELek aurreratutako saldoa itzuliko dio BEZEROari, hala badagokio, beharrezko guztia egiaztatu ondoren, roaming zerbitzuari dagozkienak barne. Aurreratutako kantitateak kontratua haustean BEZEROak zor dituen kantitateen ordainketetan aplika daitezke, hala badagokio.

5.- ORDAINKETA-BERMEAK.
BEZEROak alta-eskaera bidali ondoren, eta Kontratua indarrean dagoen artean, BEZEROaren eginbeharrak betetzen direla bermatzeko, honako hauek egin ditzake EUSKALTELek (dena den, zerbitzua emateari uko egiteko aukera ere badu):
a. Ordaindu gabeko gordailu bat eskatu BEZEROari, esku-dirutan edo banku-abal bidez.
b. b. BEZEROari mailegu-muga ezarri.
c. c. BEZEROari tarifa altuetako, tarifa gehigarrietako eta nazioarteko beste zerbitzu batzuk murriztu.
d. Kasu hauetan erabili ahal izango dira neurri horiek, besteak beste:
• BEZEROak kontraturen bat ordaindu gabe badu, nahiz EUSKALTELena nahiz besteren batena izan.
• BEZEROA behin eta berriro atzeratzen bada EUSKALTELi ordaintzean edo Iruzur egiteko, berandu ordaintzeko edo zerbitzua modu desegokian erabiltzeko arriskua badago
Dena dela, goiko zerrendan ez agertzeak ez du esan nahi EUSKALTELek ezin dituenik Kondizio Orokor honetan aurreikusitako neurriak hartu antzeko kasuetan. Gordailua edo abala egiteko eskatzean, BEZEROak jasoko duela ziurtatzea ahalbidetzen duen moduren bat erabiliko da. BEZEROari gutxienez hamabost (15) egun emango zaizkio goian aipatutakoak egiteko, edo, hala dagokionean, ordaindu gabeko kantitateak ordaintzeko. Mailegumuga edo zerbitzu-murrizketa egiteko, nahikoa izango da aldez aurretik EUSKALTELek BEZEROari jakinaraztea. Beste abonu-kontratu bat(zu)en ordainagiriak ordaintzean behin eta berriz atzeratzeagatik eskatutako bermeei dagokienez, EUSKALTELek BEZEROari bidalitako fakturetan urtebetean (1) atzerapenik egon ez dela ziurtatzean itzuliko da gordailua. Dena dela, kasu horietan, eskatutako deposituaren edo abalaren zenbatekoa ez da izango BEZEROak linea horretan hiru (3) hilabetez batez beste kontsumitzen duena baino handiagoa. Gainerako kasuetan, EUSKALTEL neurri horiek hartzera bultzatu zuten arrazoiak dagoeneko ez daudela ziurtatzean kenduko dira bermea, mailegu-muga edo zerbitzu-murrizketa. Ordaintzeko zorrak dituen BEZEROak Zerbitzuari baja emateko edo kontratuaren titularra aldatzeko eskatzen badu, EUSKALTELek bermea gauza dezake, eta zordundutako kantitatea kobratu; hartara, soberakina BEZEROarentzat izango da. BEZEROak faktura guztiak ordainduta baditu, gordailuko zenbateko osoa itzuliko zaio. Hamabost (15) eguneko epean itzuli beharko da gordailua, itzultzeko eginbeharrak betetzen diren egunaren biharamunetik hasita.

6.- ZERBITZUA ETETEA
BEZEROak zor dituen kantitateen zati bat edo zorra osorik ordaindu ez badu, kontratuari eta ordaindu gabeko zenbatekoen dokumentuei dagozkien eranskinetako zerbitzuak eteten edo irteerako deiak murritz ditzake EUSKALTELek. Ordaindu gabeko kantitateren bat dagoela ziurtatzen den egunaren biharamunetik aurrera egin daiteke murrizketa eta/edo etete hori. EUSKALTELek zordundutako zenbatekoa ordainduta dagoela jakin eta hurrengo lanegunean gauzatuko ditu Zerbitzua berrezartzeko jarduerak. Zerbitzua berriro aktibatuz gero, BEZEROak horri dagokion zenbatekoa ordaindu behar du. Ordaintzeko dauden zerbitzuei bakarrik eragingo die etenak. Tarifa gehigarriaren zerbitzuetako fakturazioarekin ados ez badago, BEZEROak Zerbitzua bertan behera utz dezake, betiere BEZEROak, tarifa gehigarriaren zerbitzuari dagozkion kontzeptuak kenduta, zenbatekoa ordaintzen badu. Kasu horretan, hartzekodunak tarifa gehigarriko zerbitzuengatik ohiko moduetan kobra dezake eta telekomunikazio-zerbitzuen fakturak beste modu batera kobra ditzake. Zerbitzua behin betiko bertan behera ez uzteko edo ez eteteko, BEZEROak dokumentu honetako 12. baldintzan aipatutako instantzietan erreklamazioa aurkeztu izana egiaztatu beharko du, eta zordundutako zenbatekoa gordailu gisa eman izana.

7.- ZERBITZUAREN BALDINTZAK.
Zerbitzuaren erabilera egokiari dagokionez, BEZEROak EUSKALTELen jarraibideei eta jakinarazpenei egin behar die kasu, eta aireko nabigazioari eta trafikoari buruz agintariek indarrean jarritako xedapenak errespetatu behar ditu. EUSKALTEL ez da erantzule izango bere kontroletik kanpoko zirkunstantziak —halabeharra edo ustekabeko gertakariak adibidez— gertatzen direnean, ez eta ordena publikoak gailendu behar duenean ere. Datozen A eta B puntuetan aipatzen diren kalte-ordainekin lotuta, erabat baztertuta geratzen dira EUSKALTELek emandako zerbitzu-operadorea ez den beste operadore batek atzerrian emandako eta haren sarean tarifatu gabeko nazioarteko deien estaldura-zerbitzuak (roaming-a). Estatuan, une bakoitzean zerbitzua ezarrita dagoen estaldura-eremuan soilik emango du zerbitzua EUSKALTELek. EUSKALTELek konpromisoa hartzen du estaldura-mugen barruan eta teknologiaren egoera aintzat harturik Zerbitzua erabilgarri edukitzeko. Edonola ere, kondizio orografiko eta/edo atmosferikoek eraginda, Zerbitzuan etenak badaude edo ez badabil ondo eta, ondorioz, ezin bada Zerbitzuan sartu, EUSKALTEL ez da horren erantzule izango, ez eta egin, ezagutu edo aurreikusi ez diren informazio-edukiena eta zerbitzu osagarrien ondorio direnena ere.

A) DATUAK TRANSMITITZEKO ZERBITZUA (INTERNET) ALDI BATERAKO ETETEA Interneteko zerbitzua etenez gero, EUSKALTELek konpromisoa hartzen du BEZEROari kalte-ordain hau emateko: zerbitzu horregatik azken hiru hilabeteetan fakturatutako zenbatekoaren batezbestekoa zerbitzua etenda egon den denboran hainbanatua. Kalte-ordain hori automatikoki ordainduko da hurrengo fakturan, zerbitzuaren etena jarraitua edo ez-jarraitua izan bada eta 8:00etatik 22:00etara sei ordu baino gehiago iraun badu. Kalte-ordainik ez da emango zerbitzuaren aldi baterako etenaldia arrazoi hauetako batengatik izan bada:

a) BEZEROak egindako kontratuaren baldintzen ez-betetze larriak.
b) BEZEROak, indarrean dauden arauen arabera ebaluatu gabeko bateragarritasuneko ekipo terminalak konektatzean, sareari kalterik eragiten badio.

B) INTERNET MUGIKORRERA SARTZEKO ZERBITZUA ETETEAK KALTETUTAKO ERABILTZAILEEN ZEHAZTAPENA Eremu bateko zerbitzu-etenak BEZERO bati eragiten diola esango da egoera hauetakoren bat gertatzean:

a) EUSKALTELek, bere informazio-sistemen bidez, badaki BEZERO hori eremu horretan zegoela etena gertatu den unean.
b) Kontratuan agertzen den helbidearen eremuan gertatu da etena, eta, EUSKALTELek, bere informazio-sistemen bidez, ezin du beste inon kokatu etena gertatu den garaian.
c) BEZEROak EUSKALTELi jakinarazi dio zerbitzua berrezarri eta 10 egun igaro baino lehen, adierazpen erantzule bidez, etena gertatu den unean eremu horretan zegoela, eta baieztapen horrek ez du kontraesanik sortzen EUSKALTELen informazio-sistemetako informazioarekin; azken hori EUSKALTELek BEZEROari jakinaraziko dio.

8.- DATU-ZERBITZUA ERABILTZEA.
BEZEROak hitzematen du GPRS/UMTS/HSPA estatu barruko eta roaming-eko datu-zerbitzuen modalitate guztiak behar bezala erabiliko dituela. Hauek hartuko dira erabilera desegokitzat: - Zerbitzua erabiltzea IP bidezko ahots-zirkulaziorako (VoIP), edo erabiltzaileen artean fitxategiak partekatzeko zirkulaziorako (P2P peer to peer). - Hilean GPRS/UMTS/HSPAren 15 GBko zirkulazioa gainditzea EUSKALTELen sarean, indarrean dagoen edozein tarifarekin. Baldin eta zerbitzuaren erabilera desegokia detektatzen bada, EUSKALTELek eskubidea du zerbitzua eteteko edo amaitzeko edo erabilera desegoki hori saihesteko neurriak hartzeko.

9.- SIM TXARTELA.
BEZEROak SIM txartel bat jasotzen du zerbitzuan harpidetzen denean. EUSKALTEL da txartel horren jabea, eta, horren bidez, sar daiteke zerbitzura. Horrekin batera, BEZEROak isileko identifikazio-zenbaki pertsonal bat jasoko du; zenbaki hori terminalean sartu behar da erabili ahal izateko, eta, ondorioz, era konfidentzialean zaindu behar du. EUSKALTELek eskubidea du zerbitzuari eusten dioten SIM txartelen eta lineen aktibazio-kopuru maximoa mugatzeko, titular baten alde, edo tarifa jakin bati lotutako linea-kopurua mugatzeko. Baldintza Orokor hauek ez dute babesten SIM txartelak mugikorretatik kanpo erabiltzea, ez eta ezein sistema automatikoen bitartez ere, EUSKALTELek aurrez berariaz baimendu ezean. Halako erabilera bidegaberik atzemanez gero, EUSKALTELek eskubidea izango du zerbitzua eteteko eta kontratua berehala eta abisurik gabe desegiteko. Neutraltasun teknologikoaren printzipiopean, SIM txartela identifikazio-zenbaki pertsonal horri eta telefono-zenbaki bati lotuta dagoela ikusita, SIM txartela eta/edo BEZEROari emandako sarbidegakoa erabilita egindako komunikazio guztiak hark edo haren baimenarekin egindakoak direla joko da; beraz, Baldintza Orokor hauen eta Legearen arabera, hura da erantzulea. BEZEROak egindako jakinarazpenei buruz bi aldeen artean sor daitezkeen eztabaidak ebazteko, aldeek baliagarritasun frogagarria aitortzen diete zerbitzuen sistema informatikoek sortutako edo gordetako erregistroei, baldin eta ez badago BEZEROak bere kontura egindako aurkako probarik. BEZEROaren esku dago zerbitzu eta/edo funtzio guztiak arduraz erabiltzea. EUSKALTELek ez du bere gain hartzen BEZEROak edo hirugarren batek SIM txartelak eta/edo haren sarbide-gakoak galtzeagatik, hondatzeagatik, lapurtzeagatik edo gaizki erabiltzeagatik sor daitezkeen ondorioen erantzukizunik. Hala ere, EUSKALTELek, aurretik BEZEROA identifikatuta eta egoera pertsonalaren berri emanda, bere eskura dauden neurriak har ditzake BEZEROari kalterik ez eragiteko, BEZEROak, Bezeroarentzako Arreta Zerbitzuaren bidez, SIM txartela eta/edo sarbide-gakoak galdu edo lapurtu dizkiotela konturatu dela edo susmatzen duela jakinarazten duenetik edo hirugarren batek horren berri detektatu duela jakinarazten duenetik, eta, SIM txartela lapurtuz gero, agintari eskudunenaurrean egindako salaketa egiaztatu denetik, eta, EUSKALTELena den eta BEZEROari utzi dion SIM txartela galduz gero, horren berri eman denetik. Galdu edo lapurtuz gero, EUSKALTELek ahalik eta azkarren emango di(zki)o SIM txartel berria(k) BEZEROari. EUSKALTELek BEZEROari baldintza onuragarriagoak aplikatzea erabakitzen ez badu, hark berritzea ordaindu beharko du, jasotzen duen unean bertan. BEZEROak galdutako/lapurtutako SIM txartela berreskuratzen badu, EUSKALTELi itzuli behar dio. SIM txartela EUSKALTELi itzuli beharko zaio, arrazoi teknikoengatik, operatiboengatik edo veste arrazoiren batengatik ordezkatzeko edo aldatzeko eskatuko balu EUSKALTELek, betiere Zerbitzua hobetzeko; Zerbitzua behin betiko eteteko ere itzuli egin behar zaio SIM txartela. EUSKALTEL arduratuko da akastunak diren edo erabili ezin diren SIM txartelez, Legeak adierazten duena kontuan hartuta, kasu hauetan izan ezik: eraginkortasunik eza BEZEROaren trebetasunik ezak, arduragabekeriak eta/edo hutsegiteak eragin badu. EUSKALTELek doan konponduko du SIM txartela, edo haren ordez beste bat emango du, gutxienez entregatzen denetik hamabi hileko epean.

10. DATU-TRANSMISIOA.
SIM txartelaren bidez eta ekipo terminal egokia erabilita, BEZEROak datuak bidali eta jaso ahal izango ditu GPRS/UMTS/HSDPA teknologien bidez eskuragarritasunaren arabera). Datuen zerbitzuak jasotzearen ordainetan, bidalitako edo jasotako datuen bolumenaren araberako kuotak eta tarifak ordaindu behar ditu BEZEROak. BEZEROak onartzen du jakinarazi diotela SIM txartelak datu-tarifa bat aktibatua duela lehenespenez, eta datu-transmisioko bonu edo tarifa bereziak kontrata ditzakeela (estatu barrukoak edo nazioartekoak). EUSKALTEL ez da web-orri/WAP-etan egon daitezkeen edukien erantzule. Atari horiek guztientzat eskuragarri daude, edozein sarbide-teknologia edo konexio dutela ere, eta hainbat pertsonak edo erakunde hornitzailek emandako informaziorako, edukietarako, produktuetarako edo zerbitzuetarako sarbidea dira. EUSKALTELek ez du, inolaz ere, erantzukizunik izango —ez zeharka, ez subsidiarioki— beste pertsona edo entitate batzuek ematen edo eskaintzen dituzten produktu edo zerbitzuen gainean, edo hirugarren pertsona batek sortu edo eman eta web-orri/WAP bidez zabaldutako informazio, ohartarazpen edo iritzien gainean. BEZEROak espresuki onartzen du EUSKALTELek ez duela erantzukizunik EUSKALTELen sarean edo EUSKALTELen sarea erabiliz BEZEROA sar daitekeen sareetan dabiltzan datuen, programen, informazioen edo iritzien —edozein jatorri dutela ere— kalitate, zehaztasun, fidagarritasun, zuzentasun edo moralitatean. Goian aipatutako edukietara sartzeagatik eta horiek kopiatzeagatik edo hedatzeagatik sor daitezkeen ondorio, kalte edo ekintzen erantzukizun osoa bere gain hartzen du BEZEROak. EUSKALTEL ez da izango edozein BEZEROren arau-hausteak EUSKALTELeko beste BEZERO baten, edo hirugarren baten, eskubideetan izan ditzakeen eraginen erantzule, eskubide hauek barne: copyrighta, markak, patenteak, informazio konfidentziala eta jabetza intelektualaren edo industria-jabetzaren beste edozein eskubide. Aurreko guztiaz gain, EUSKALTELek berehala eta aurrez jakinarazi gabe Internetera sartzeko zerbitzua eten dezake —bere irizpidearen arabera eta kalte-ordainik eragin gabe— eta, dagokionean, sarean dabiltzan legez kanpoko edukiak ken ditzake, BEZEROA hirugarrenen eskubideak (intimitatea, ohorea, norbere irudia, komunikazioen sekretua, jabetza intelektuala eta industriala, datuen babesa, etab.) urratzen ari dela jakinez gero; hala nola, BEZEROak EUSKALTELeko zerbitzaria erabiltzen badu (adibide gisa eta izaera murriztailerik gabe), (a) material, gai edo informazio ilegala, lizuna, pornografikoa, neurriz kanpokoa, difamaziozkoa, engainagarria eta moralaren edo ordena publikoaren kontrakoa argitaratzeko, hedatzeko, jakinarazteko edo banatzeko, (b) zerbitzu horien bidez erabil daitezkeen edukietan, programetan edo sistemetan kalteak edo aldaketak eragin ditzaketen birusak, appletak, ActiveX kontrolak, fitxategi akastunak, edo beste edozein software edo programa informatiko sartzeko edo jartzeko, (c) baimenik gabe web-orri pertsonalak edo beste erabiltzaileen posta elektronikoa iruzur bidez aldatzeko edo kontrolatzeko, (d) EUSKALTELeko zerbitzariei edo beste batzuei —EUSKALTELeko bezero diren ala ez kontuan hartu gabe— mezu elektroniko masiboak eta/edo mezuak behin eta berriro bidaltzeko (spam), (e) dagokionean eskain daitezkeen zenbait zerbitzu (adibidez, berriketaguneak, net meeting-ak, berritaldeak, foroak etab.) dagokion funtzionamendu eta helburuarekiko bidegabe erabiltzeko edo behar den bezala ez erabiltzeko.EUSKALTELek berez ematen dituen zerbitzuen eta EUSKALTELek berak zuzenean sortutako edukien (copyright-ekin identifikatuta daude) erantzukizuna baino ez du izango. Erantzukizun hori salbuetsi egingo da halabeharrezko arrazoiak daudenean edo BEZEROaren ekipoen konfigurazioa EUSKALTELek eskaintzen dituen zerbitzuak behar bezala erabiltzeko egokia ez denean. BEZEROaren ardura da birusak eta sarkinak sisteman sartzeko saiakuntzak eragozteko behar diren segurtasun-neurriak hartzea. EUSKALTELek ez du inolaz ere bere gain hartuko Internet bidez veste batzuk sisteman sartzeagatik gerta daitezkeen kalteen edo lortzen ez diren irabazien gasturik edo kalte-ordainik. Terminal egokiak erabilita, BEZEROA bere terminaletik sartu ahal izango da helbide elektronikora. Helbide elektronikoko postontzira sartu eta mezurik dagoen egiaztatzea datuen trafikoa da, eta indarrean dauden tarifen arabera ordainduko da. Horregatik, postaren egiaztatze automatikoa bere beharren arabera konfiguratzeko gomendatzen zaio BEZEROari.

11.- ERREKLAMAZIOAK.
Bezeroarentzako Arreta Zerbitzuaren bidez jo ahal izango du BEZEROak EUSKALTELera, behar bezala identifikatuta eta egoera pertsonalak egiaztatuta, Zerbitzuarekin lotutako funtzionamenduari, prezioari, fakturazioari, kalteen ardurari edo beste edozein arazori buruz erreklamazioa aurkezteko, erreklamazio hori eragiten duen gertaeraren berri dakienetik hilabeteko epean. Erreklamazioak BEZEROak telefonoz egin ditzake Bezeroarentzako Arreta Zerbitzura (900 840 840) edo horren ordez jartzen denera deituta, posta arruntaren bidez helbide honetara idatzita: "EUSKALTEL SA", Erreklamazioak, 6025 posta-kutxatila, 48080 P.K., Bilbo; eta www.euskaltel.com web-orriko on line formulario baten bidez. Erreklamazioa egin ondoren, BEZEROak hilabeteko epean EUSKALTELEN erantzun egokirik jaso ez badu, erreklamazioa egin ahal izango du Telekomunikazioetarako eta Informazioaren Gizarterako Estatu Idazkaritzan, Kontsumoko Artekarien Batzordeetan BEZEROaren eskubideak defendatzeko erreklamazioak egiteko eskubidea galdu gabe, EUSKALTEL era mugatuan atxiki baita batzorde horietara, mendekotasun-eskaintza publikoaren bidez.

12.- KOMUNIKAZIOEN SEKRETUTASUNA.
EUSKALTELek konpromisoa hartzen du une bakoitzean eskura dituen eta behar dituen bitarteko teknikoak hartzeko, konstituzioz onartutako komunikazioen sekretutasuna berma dezan, dagokionean, erabaki daitezkeen esku-hartze legalei eragin gabe. EUSKALTELek ez du inolako erantzukizunik izango BEZEROak edo hirugarrenek telefonoko elkarrizketa grabatzearen gainean, ezta horien erabilerari edo publizitateari eta, oro har, EUSKALTELi edo Zerbitzuaren operadoreari egozterik ez dagoen ekintza edo hutsegiteen gainean ere, horiek komunikazioaren konfidentzialtasuna eta sekretutasuna errespetatzen ez badute ere.

13.- DATU PERTSONALEN BABESA.
Datu pertsonalak babesteko araudiari jarraiki, EUSKALTELek Bezeroari jakinarazten dio zerbitzu-prestazioa dela-eta jasotako datu pertsonalak fitxategi batean sartuko direla(automatizatua eta ez-automatizatua), EUSKALTELek berak sortua eta bere ardurapean dagoena eta kontratu-harremana mantentzeko eta kudeatzeko erabiltzen dena. Fitxategi hori klausula honetan eta kontratu honen karatulan adierazitako helburuetarako erabiliko da. Berariaz kontrakorik adierazi ezean -kontratuaren karatulan zenbait lauki markatu behar dira horretarako-, Bezeroak baimena ematen dio EUSKALTELI bere datuak EUSKALTELen produktu eta zerbitzu guztien merkataritza-sustapenerako erabiltzeko. Halaber, eta berariaz kontrakorik adierazi ezean -kontratuaren karatulan dagokion laukia markatu behar dira horretarako-, Bezeroak baimena ematen dio EUSKALTELi bere zirkulazio- eta fakturaziodatuak erabiltzeko merkataritza-sustapenerako eta balio erantsiko zerbitzuak emateko. Horrez gain, Bezeroak baimena ematen du trebakuntzako edo informazio-ekintzak egiteko eta merkatu- eta iritzi-ikerketetan parte hartzeko bere datuak erabiltzeko. EUSKALTELek Bezeroari jakinarazten dio noiznahi ezezta ditzakeela klausula honetan zein kontratuaren karatulan zehaztutako baimenak. EUSKALTELek BEZEROari jakinarazten dio kontratu honen karatulan azaltzen diren datuak nahitaez bete behar direla -datu horiek gabe, EUSKALTELek ezin du zerbitzua eskaini-,eta borondatez betetzeko azaltzen direnak betetzeko aukera duela. Indarrean diren xedapenak errespetatuz jaso diren datu pertsonalen fitxategi automatizatuetara sartuta. Halaber, Bezeroak emandako datuen zehaztasuna begiratzeko eskubidea ere badu EUSKALTELek. EUSKALTELek Bezeroari jakinarazten dio telekomunikazio-zerbitzuak jasotzeagatik zor dituen zenbatekoak horretarako aurreikusitako epean ordaindu eta indarrean den araudian ezarritako baldintzak bete ezean, diru-betebeharrak ez betetzeari buruzko fitxategietan sar daitezkeela ordaindu gabeko zenbatekoari buruzko datuak. Halaber, EUSKALTELek Bezeroari jakinarazten dio datu pertsonalak babesteari buruzko1999ko abenduaren 13ko 15/1999ko Lege Organikoan ezarritakoaren eta horretarako aplika daitezkeen araudien arabera, noiznahi erabil dezakeela datu pertsonaletara sartzeko,horiek zuzentzeko, ezeztatzeko, edo horiei aurka egiteko eskubidea. Horretarako, idatzi bat bidali behar dio, postaz, EUSKALTELi, egindako eskaera adieraziz eta NANaren fotokopia erantsiz, helbide honetara: 3 posta-kutxa, 48160, Derio (Bizkaia). Bestela,Bezeroentzako Arreta Zerbitzura deitu (1717, edo horren ordez dagokiona), edo mezu elektroniko bat bidali (info@euskaltel.com). EUSKALTELek bere gain hartzen du datu pertsonalak sekretupean gordetzeko eta zaint EUSKALTELek bere gain hartzen du datu pertsonalak sekretupean gordetzeko eta zaintzeko konpromisoa; eta ez aldatzeko, ez galtzeko, ez tratatzeko edo baimenik gabe ez erabiltzeko behar diren neurriak hartuko ditu, datu pertsonalak dituzten fitxategi automatizatuen eta ezautomatizatuen segurtasun-neurriei aplikatu beharreko araudiari, indarrean dagoenari,jarraiki.Jatorrizko linea eta linea konektatua identifikatzeko zerbitzuei buruzko eskubideak.

14.-BESTE NORBAITI LAGATZEA.
Kontratu honi dagokion zerbitzua pertsonala da. BEZEROak ezin du kontratu hau eta bertatik eratorritako eskubideak eta betebeharrak laga, EUSKALTELek aurrez horretarako baimena idatziz eman ez badu. EUSKALTELek titulartasun-aldaketa onartzen badu, BEZEROak ordainduko du aldaketa hori kudeatzeak duen kostua, indarrean dauden tarifetan ezarritakoaren arabera. Ez dira lagapentzat hartuko sozietatearen eragiketak, adibidez, EUSKALTELen jardueraren alorraren transformazioa, fusioa, zatiketa edo transmisioa. Kasu horietan, nahikoa da BEZEROari jakinaraztea.

15.- KONTRATUA IRAUNGITZEA ETA EZEZTATZEA.
Kontratu honen iraupena mugagabea da, eta ondoren agertzen diren egoerengatik deuseztatuko da:
a. EUSKALTEL zerbitzu horiek emateko gaitzen duen titulua iraungi delako. Hori gertatuz gero, BEZEROak ez du kalte-ordainik jasotzeko eskubiderik izango.
b. Aldeetako batek kontratu honetan aurreikusten diren betebeharrak betetzen ez baditu, kontratua hauts daiteke. c. BEZEROak hala eskatuta eta aurrez modu frogagarrian jakinarazita, 2 lanegun lehenago, gutxienez. Horretarako, helbide honetara idatzi behar du, posta arruntez: "EUSKALTEL, SA" , ZERBITZUAN BAJA EMATEA, 3 FD POSTA-KUTXATILA, 48160 DERIO (BIZKAIA). d. BEZEROak kontratu hau jaso eta 10 eguneko epean ez badio bidali EUSKALTELi hau behar bezala sinatuta, EUSKALTELek kontratu hori eten dezake, eta, beraz, ez da indarrean egongo. e. Ustekabekoa gertatu delako. f. EUSKALTELek berehala eten dezake kontratu hau baldin eta BEZEROak modu irregularrean erabiltzen badu Interneteko zerbitzua, legez kanpoko ekintzak eta beste erabiltzaile batzuei edo EUSKALTELen sareari kalte egiten dienak egiten baditu, bereziki Spam eta/edo MailBombing egiten badu. Kontratua amaitutakoan, BEZEROak eskubidea izango du ordaindutako berme-gordailua jasotzeko, itzul baldin badaiteke, inongo interesik gabe. Edonola ere, nahiz eta kontratu hau amaitu edo ukatu, BEZEROak ordaindu egin behar ditu EUSKALTELekin hitzartutako ordainketa-betebeharrak; hau da, amaitu edo ukatu den kontratuan agertzen diren zerbitzuak deskonektatu arte, BEZEROak ordaindu egin behar ditu jaso dituen zerbitzuak. BEZEROak zor dituen zenbatekoen ordaintzea atzeratzeagatik kontratu hau amaitzeaz eta horri buruz kontratuan ezartzen direnak aplikatzeaz gain, EUSKALTELek judizialki erreklamatu ahal izango ditu BEZEROaren jardueraren ondorioz sortutako kalteak, bai eta BEZEROak zordundutako zenbatekoak edo itzuli ez dituen ekipoak edo hondatuta itzulitakoak eta/edo estetika- eta/edo erabilera-kalteak dituztenak ere. Halaber, BEZEROak EUSKALTELen jardueraren ondorioz sortutako kalteak erreklamatzeko aukera izango du, bai eta EUSKALTELek bidegabe kobratu dizkion zenbatekoak ere. BEZEROak zor zituen zerbitzuak ordaintzen atzeratzeagatik kontratua bertan behera utzi bada, eta gero zerbitzuan alta eman badu, BEZEROak berriz ordaindu behar dio EUSKALTELi une horretan indarrean dagoen alta-kuotaren zenbatekoa eta ordaintzeko duen zorra, zor zuen zenbatekoa kobratzeko behar izan diren kudeaketa estrajudizialen edo judizialen ondorioz sortutako gastu administratiboak eta abokatuaren, prokuradorearen eta abarren gastuak barne. Era berean, EUSKALTELek eskubidea du BEZEROari promozioak, eskaintzak edo deskontuak ez aplikatzeko, ordainketetan atzeratu bada edo uneren batean zegozkion kuotak edo zerbitzu kontratatuak ordaindu ez baditu eta EUSKALTELeko zerbitzuak berriz kontratatzen baditu.

16.- APLIKA DAITEKEEN LEGEDIA ETA ERREGIMENA.
BEZEROak eta EUSKALTELek kontratua egin dute zerbitzuaren operadoreak telefonia mugikorraren Zerbitzua BEZEROari eman diezaion, une bakoitzean indarrean dagoen Espainiako araudiari lotuta. Kontratu hau sinatu ondoren kontratuan aldaketarik egiten bada, BEZEROari jakinarazi behar zaio, indarrean sartu baino hilabete lehenago gutxienez. Epe horretan, BEZEROA aldaketekin ados ez badago, EUSKALTELi jakinaraz diezaioke kontratua bertan behera uzteko asmoa. Hilabeteko epe hori amaituta EUSKALTELek jakinarazpenik jaso ez badu, BEZEROak aldaketak onartu dituela ondorioztatuko da. Baldintza orokorren bertsio eguneratua saltokietan eskura daiteke. Baldintza orokor horietako bat baliogabea edo eraginik gabekoa dela adierazten bada, ez du eraginik izango gainerako baldintzen baliotasunean edo eraginkortasunean. Hau da, baldintza horiek lotesleak izango dira bi alderdientzat. Kontratua Espainiako legeriak arautuko du, eta legeri hori aplikagarria izango da kontratuaren interpretazioari, baliotasunari eta betetzeari dagokienez.

17.- ZERBITZUAN IRAUTEKO KONPROMISOAK
Hala badagokio, BEZEROak kontratu honen eranskinak sina ditzake zerbitzua denbora-tarte jakin batean kontratatua izateko, eta, hala, abantailak, deskontuak eta ekipamendua eskuratzeko sustapen-prezioan. Hala bada, eranskin horietan aurreikusitako eskubide eta betebehar bereziak ere ezar daitezke.

18.- URRUNEKO KONTRATAZIOAN UKO EGITEKO ESKUBIDEA

BEZEROak urrunetik kontratatu badu (telefonoz, hirugarren egiaztatzaile batek esku hartuz, edo, elektronikoki, EUSKALTELen webgunearen bidez), eskubidea izango du kontratazioari uko egiteko, kontratazioaren baieztatze-dokumentazioa jaso eta zazpi egunen barruan. Eskubide hori gauzatzeko, 1717 BEZEROARENTZAKO Arreta Zerbitzuko telefono-zenbakira (edo haren ordezkora) deitu behar du.

MUGIKORREN DATU-TARIFEI EZARTZEN ZAIZKIEN BALDINTZA BEREZIAK

I. EGUNEROKO KONEKTA: EGUNEROKO KONEKTArekin, ezarritako tarifa ordainduz gero, egunero 15 MB-ko datu-trafikoa du BEZEROAK. 15 MB kontsumitu arte, nahi bestetan konekta daiteke BEZEROA, ezer gehiago ordaindu gabe. 15 MB-ko blokea gainditu ondoren, BEZEROAK 15 MB-ko beste bloke bat ordaindu beharko du. Eguna amaitu ondoren, iraungi egiten da kontratatutako 15 MB-ko bonua. KONEKTA DIARIA tarifa estatuan soilik erabil daiteke; nazioarteko konexioei indarrean dauden tarifak ezartzen zaizkie.

II. KONEKTA TARIFAK BEZEROak tarifa bat kontratatzen du, eta horrek aukera ematen dio hautatutako tarifaren araberako bolumen jakin bateko mugikortasuneko datu-zirkulazioa egiteko, EUSKALTELen sareak baimentzen duen gehienezko abiaduran. Tarifa estatuan soilik erabil daiteke; nazioarteko konexioei indarrean dauden tarifak ezartzen zaizkie. Hilabete batean bezeroak kontratatutako bolumena gainditzen badu, zerbitzuaren abiadura jaitsi egingo da: deskargatzeko 128 kb izango ditu, eta, igotzeko, berriz, 64 kb. Edozein kasutan, hilean, gehienez ere, 15 GB deskargatu ahal izango ditu. Muga horretara iritsi ondoren, EUSKALTELek zerbitzua etengo dio. Hilabetea amaitu ondoren, BEZEROak berriro izango du EUSKALTELen sarearen araberako gehienezko abiadura

III. IRAUPEN-KONPROMISOAK BEZEROAk ekipamendua sustapeneko prezioan jasotzen badu, kondizio berezi hauek aplikatuko zaizkio:

1.- GPRS/UMTS/HSDPA teknologien bidez datuak transmititzeko telekomunikazio-ekipo bat sustapen-prezioan jaso du BEZEROAk, eta horren agiria du. Ondorioz, hitz ematen du hori jaso izanak dakartzan kondizioak beteko dituela. BEZEROAk ekipamendua eskuratzeak esan nahi du baldintza hauek onartzen dituela.

2.- BEZEROAri entregatutako ekipoak blokeatuta daude operadoreak ematen duen zerbitzurako.

3.- BEZEROAk ekipamendu bat sustapeneko prezioan erosten badu, dokumentu honen arabera, konpromisoa hartzen du dokumentu hau sinatzen den unetik hasi eta hurrengo 18 hilabeteetan operadoreari kontratatu dion bonuan alta emanda egoteko. Merkatuko prezioan baino merkeago saltzen denez ekipoa, operadoreari 150 €-ko (ehun eta berrogeita hamar euro) konpentsazioa (zeharkako zergak sartu gabe) emateko konpromisoa hartzen du BEZEROAk, baldin eta esandako epea amaitu aurretik nahi badu: a) Ekipamendua EUSKALTELi kontratatutako zerbitzutik desblokeatu edo liberalizatu. Horretarako, BEZEROAk 1717 telefono-zenbakira deitu behar du; teleoperadorearen jarraibideei segi, nortasuna egiaztatu eta terminal mugikorraren identifikazio-zenbakia (IMEIa) adierazi behar du. b) Emandako ekipoari lotutako bonuan baja eman. 4.- Emandako banku-kontutik kobratuko dira zenbateko hori eta kontratatutako gainerako zerbitzuen zenbatekoak. 5.- Dokumentu hau sinatu zenetik 18 hilabete pasatu ez badira, edo Bezeroak aipatutako zenbatekoa ordaindu ez badu, Bezeroak ezin du ezer transmititu, grabatu, laga, besterendu edo kaltetu, Euskaltelen baimenik gabe.

TERMINAL MUGIKORRA SUSTAPEN-PREZIOAN ESKURATZEKO BALDINTZAK – AHOTS-TARIFAREKIN BAKARRIK

Bezeroak nahitaez bete behar ditu terminal mugikorra promozio-prezioan eskuratzearen baldintzak, Euskaltelek emandako telefono-zerbitzuarekin lotuta dagoen terminal mugikorrari dagozkionak. Baldintzak hauek dira:

1.- Euskalteli eskatutako terminal mugikorra(k) jaso izana adierazten du Bezeroak. Erantsita doan kontratua sinatzen duenean entregatzen zai(zki)o terminal hori(ek). Bezeroak terminala eskuratzeak esan nahi du baldintza hauek onartzen direla, Bezero Partikularren Kontratua sinatu ondoren.

2- Zerbitzu telefonikoaren kontratazioaren erlazio funtzionala kontuan hartuta, kontratuan eta eranskin honetan aipatutako terminala(k), Bezeroak promozio-prezio horretan hartua(k) eta horrela erabiltzekoa(k), segurtasun-arrazoiengatik eta hirugarrenek erabilera desegokia egin ez dezaten, Euskaltelekin kontratatutako zerbitzu telefonikorako bakarrik erabil daitezke.

3.- Bezeroak terminal bat sustapeneko prezioan erosten badu, dokumentu honen arabera, konpromisoa hartzen du eranskin hau sinatzen den unetik hasi eta hautatutako epean (18 edo 24 hilabete) Euskalteli kontratatu dion zerbitzuan alta emanda egoteko. Terminala merkatuko prezioan baino merkeago saltzen denez, Euskalteli 150 €-ko (ehun eta berrogeita hamar euroko) konpentsazioa (zeharkako zergak sartu gabe) emateko konpromisoa hartzen du Bezeroak, baldin eta esandako epea amaitu aurretik nahi badu:

a) Mugikorra Euskalteli kontratatutako zerbitzutik desblokeatzea edo liberalizatzea. Horretarako, Bezeroak 1717 telefono-zenbakira deitu behar du; teleoperadorearen jarraibideei jarraitu, nortasuna egiaztatu eta terminal mugikorraren identifikazio-zenbakia (IMEIa) adierazi behar du.

b) Zerbitzuari uko egiteko eskatzea edo baja ematea.

4.- Euskaltelekin kontratatutako partikularrentzako telefonia mugikorreko zerbitzuari dagokion fakturan zordunduko dira kantitate hori eta telefono-zerbitzuari eta kuotei dagozkien ordaindu gabeko kopuruak.

5.- Dokumentu hau sinatu zenetik irauteko bezeroarekin hitzartutako epea pasatu ez bada, edo Bezeroak aipatutako zenbatekoa ordaindu ez badu, Bezeroak berak jaso d(it)uen terminala(k) ezin d(it)u transmititu, grabatu, laga, besterendu edo kaltetu, Euskaltelen baimenik gabe.

TERMINAL MUGIKORRA PROMOZIO-PREZIOAN ESKURATZEKO BALDINTZAK – DIRU-LAGUNTZA GEHIGARRIA AHOTS-TARIFAZ GAIN DATU-TARIFA KONTRATATUZ GERO

Bezeroak nahitaez bete behar ditu terminal mugikorra promozio-prezioan eskuratzeagatiko baldintzak, terminala Euskaltelek ematen duen zerbitzuarekin berariaz lotuta baitago eta, promozio honi dagokionez, ahots- eta datu-zerbitzua barne hartzen baititu (inolaz ere ezin zaie aplikatu Oinarrizko Konekta baino datu-tarifa txikiagoei). Hauek dira baldintzak:

1.- Euskalteli eskatutako terminal mugikorra(k) jaso izana adierazten du bezeroak. Erantsita doan kontratua sinatzen duenean entregatzen zai(zki)o terminal hori(ek). Bezeroak terminala eskuratzeak esan nahi du baldintza hauek onartzen direla, Bezero Partikularren Kontratua sinatu ondoren.

2- Ahots- eta datu-zerbitzu telefonikoaren kontratazioaren erlazio funtzionala kontuan hartuta, kontratuan eta eranskin honetan aipatutako terminala(k), bezeroak promozio-prezio horretan hartua(k) eta horrela erabiltzekoa(k), segurtasun-arrazoiengatik eta hirugarrenek erabilera desegokia egin ez dezaten, Euskaltelekin kontratatutako zerbitzuetarako bakarrik erabil daitezke.

3.- Bezeroak terminal bat promozio-prezioan erosten badu, dokumentu honen arabera, konpromisoa hartzen du eranskin hau sinatzen den unetik hasi eta eranskinean adierazitako epeetan Euskalteli kontratatu dion ahots-zerbitzuan (18 edo 24 hilabete) eta datu-zerbitzuan (12 hilabete) alta emanda egoteko. Sinatzen denetik aurrera kontatuko dira adierazitako epeak. Terminala merkatu-prezioa baino merkeago ordainduta jabetzan eman zaionez bezeroari, konpentsazio bat eman behar dio Euskalteli dokumentu honetan jasotzen diren epeen arabera:

a) ahots-zerbitzuari dagokionez:
- 150 € (ehun eta berrogeita hamar euro), zeharkako zergak sartu gabe, kasu hauetan:
b) Mugikorra Euskalteli kontratatutako zerbitzutik desblokeatzea edo liberalizatzea. Horretarako, Bezeroak 1717 telefono-zenbakira deitu behar du; teleoperadorearen jarraibideei jarraitu, nortasuna egiaztatu eta terminal mugikorraren identifikazio-zenbakia (IMEIa) adierazi behar du.

c) Zerbitzuei uko egiten diela adieraztea edo zerbitzuen baja ematea.
edo

- 50 € (berrogeita hamar euro), zeharkako zergak sartu gabe, kasu honetan:
a) Ahotsean kontratatutako tarifa baino txikiago batera aldatzea.
eta

b) datu-zerbitzuari dagokionez:
- 50 € (berrogeita hamar euro), zeharkako zergak sartu gabe, kasu honetan:
a) Datuetan Oinarrizko Konekta baino tarifa txikiago batera aldatzea.

4.- Euskaltelekin kontratatutako telefonia mugikorreko zerbitzuari dagokion fakturan zordunduko dira kantitate horiek eta ahotseko eta/edo datuetako telefono-zerbitzuari eta kuotei dagozkien ordaindu gabeko kopuruak.