Euskaltel & KIROLBET
Konektagarritasuna
KIROLBETek zer behar duen arretaz entzun ondoren, elkarrekin konektatu eta sinkronizatu ditugu etxe horrek Euskadin eta atzerrian dituen 1.800 egoitzak, haren bezeroen eragiketak denbora errealean egiten direla bermatzeko.
Aukera
Apustu-etxe nagusietako bat da KIROLBET, eta bere eredu bereziari esker, harrigarriki hazi da azken urteotan. Gaur egun, 1.800 egoitza ditu, Euskadin eta kanpoan. Etengabe ari denez hazten, eta negozio-eredu dinamikoa duenez, berariazko irtenbide bat behar zuen sare berriak konektatzeko eta haien artean konexioak azkar eta homogeneoki bideratzeko.
Irtenbidea
Gure ingeniari-taldea gai izan da KIROLBETen premietara etengabe egokitzeko. Hasiera-hasieratik, KIROLBETen premien arabera eboluzionatu duen datu-sarearen eta Interneteko sarbidearen eredu bat diseinatu zuen. Horri esker, errazago kontrolatu da trafikoa, eta gutxitu egin da komunikazioetako erantzute-denbora. Izan ere, funtsezkoak dira bi alderdi horiek kirol-apustuen negozioan. Bezeroaren neurri-neurrirako eredu logistiko batean oinarrituta egin dugu hori guztia. Laburbilduz, bezeroen transakzioak denbora errealean egitea bermatzen duen irtenbide bat eraiki dugu.
Emaitzak
Espainiako merkatuko apustu-etxe nagusi bihurtu da GRUPO KIROL 12 urtean baino gutxiagoan. Hazkunde horren lagungarri, uneko premiekin bat datorren hedagarritasun-sistema bat eratu dugu.
“Lehen bileratik asmatu genuen elkar ulertzen. Elkarri entzun genion, eta bai Euskaltelek bai guk berehala ikusi genuen zein zen gure premia nagusia: bezeroen beharrei erantzutea”.
Euskadin du egoitza KIROLBET apustu-etxeak, eta 2008tik eskaintzen ditu kirol-apustuak. Orduz geroztik, merkatu-kuota etengabe ari da handitzen, bere I+G+Bko sailak oso-osorik Euskadin egiten duen software propioa baliatuz (KIROLSOFT). Teknologia aurreratua, diseinu erakargarria eta lehiakideena ez bezalako joko-katalogoa ditu bereizgarri. Milioika transakzio jasotzen ditu astean, milioika apustu desberdinekin elkarreraginean; hori dela eta, konbinazio-kopuru izugarria sortzen da, denbora errealean gainera. KIROLBETen erantzuna ere, berme eta konfiantza osokoa, denbora errealean iristen da.