Euskaltel mugikor-aseguruak eta Seguro Global Multimedia aseguruak lapurretak, ebasketak, istripuzko kalteak eta iruzurrezko deiak (mugikor-aseguruak bakarrik) estaltzen dituzte.

• Lapurretaren edo ebasketaren kasuan, ezaugarri berdinak edo antzekoak dituen beste batekin ordezten da gailua.
• Istripuzko kalteak: gailua uretara erortzen bada, pantaila apurtzen bada edo gailua erabiltzea eragozten duten kolpe handiak hartzen baditu, ordeztu edo konpondu egingo da, aseguratuak zer eskatzen duen. Kalte estetikoak ez dira estaltzen.
• Iruzurrezko deiak: lapurretari/ebasketari lotuta iruzurrezko deiak izan badira, 2.000 €-raino estaliko dira, lapurretaren/ebasketaren hurrengo 12 orduetan.

Eta, gainera, mundu-mailako estaldura eta bermea hedatzea.

• Mundu-mailako estaldura: istripua edozein tokitan duzula ere, Espainiara itzultzen zarenean kudeatuko dugu.
• Bermea hedatzea: mugikor-fabrikatzaileen bermea hiru urtekoa baino ez denez, mugikor- eta multimedia-aseguruek bermea hedatzen dute hirugarren urtetik aurrera, babestuta egon zaitezen barruko matxurak daudenean ere.

Gure telefonoa ez da babestuta egongo egoera hauetan:

• Galera: erabiltzaileak ez dio arretarik jarri terminalari. Ez dute ez lapurtu ez ebatsi.
• Matxurak berme-aldian: terminala ez dabil ondo, guk kalterik eragin gabe. Fabrikatzaileak hartzen ditu bere gain, hiru urtez.
• Kalte estetikoa: arrastoak, koskak, zartatuak. Ez dio funtzionamenduari eragiten.
• Estaltzen den ezbehar-kopurua: 3 ezbehar (3 istripuzko kalte edo lapurreta/ebasketa 1 eta 2 istripuzko kalte).

• Aseguratutako gailuak deskonturik gabe duen prezioaren arabera aldatuko da mugikor-aseguruaren eta multimedia-aseguruaren hileko prima.
• Ezbeharra izanez gero, polizaren hartzaileak frankizia bat ordaindu beharko du; gailuaren prezioaren eta bezeroak hautatutako soluzioaren (terminala edo gailua konpontzea edo ordeztea) arabera aldatuko da frankizia hori.