Zure mugikorraren azken kuota: Erraz eta azkar!

Nola funtzionatzen du azken kuotadun eskaintzak?

Euskaltelen, azken kuota batez finantzatutako gailuen erosketa-eskaintzek aukera ematen dute terminal bat eskuratzeko hileko kuota txiki bat epeka ordainduta. Hileko azken kuota ordaindu ondoren, terminala kosturik gabe itzul dezakezu, edo zeuretzat hartu eta azken kuota ordaindu.

1. Zeuretzat hartu, eta azken kuota hurrengo fakturan ordaindu

   . Ez duzu ezer ere egin behar!

2. Zeuretzat hartu, eta azken kuota 12 hilabetetan ordaindu

   , interesik eta iraupen-konpromisorik gabe. Azken kuota iritsi baino bi hilabete lehenago eska dezakezu.

3. Zure Euskaltel dendan itzuli

   , eta ez duzu azken kuota ordainduko. Jarraian, itzulketaren baldintzak azalduko dizkizugu.

Erabakitzen duzuna erabakitzen duzula ere, beti duzu aukera berritze bat egin eta mugikor berria estreinatzeko.

Zer baldintza bete behar ditu nire mugikorrak itzultzeko?

Zure mugikorra itzultzea onartzeko, baldintza hauek bete behar ditu:

• Terminalak piztu egin behar du
• Pantaila hautsita ez izatea
• Ez eduki pin-blokeorik/gailurik/hatz-markarik/aurpegi-azterketarik
• Gailuaren kokapen-funtzionalitatea desaktibatuta izatea
• Itzulketa adierazitako epean eskatzea
   

Noiz eta non itzul dezaket nire terminal mugikorra?

Azken kuota fakturatu ondorengo 15 egunetan itzul dezakezu mugikorra (hilaren 22tik hurrengo hileko 5era bitartean, gutxi gorabehera). Ez kezkatu. Unea iristen denean, SMS bat bidaliko dizugu itzultzeko epea noiz hasten den jakinarazteko 😉.

Euskaltelen edozein dendatan itzul dezakezu; proba batzuk egingo dira dena ondo dagoela egiaztatzeko, eta, hala bada, ez zaizu fakturatuko zure azken kuota.

⚠ Garrantzitsua da aurrez adierazitako epean itzultzea.

Mugikorra hautsita badago edo behar bezala funtzionatzen ez badu, zuretzat hartu beharko duzu, eta azken kuota ordaindu 😢.

Utz dezaket bertan behera finantzazioa azken kuotaren aurretik?

Bai, noski. Finantziazioa bertan behera uztea erabakitzen baduzu, ordaintzeko dituzun kuotak eta azken kuota ordaindu beharko dituzu hurrengo fakturan.

Mugikor bat baino gehiago baduzu finantzatuta Euskaltelekin

, aukera izango duzu epeka ordaintzen jarraitzeko gainerako mugikorrak, hala nahi baduzu.

Nire ordainketa-plana amaitzean, kontratatu dezaket beste mugikor bat?

Jakina! Mugikor berria estreinatu ahal izango duzu noiznahi, eta berri-berriena eskuratu.

Gure webgunean

kontsultatu dezakezu gure smartphone-eskaintza zabala