Nola itzul dezaket ekipo bat edo gailu bat?

Orain azalduko dizugu nola itzul dezakezun zure gailua kontratuari uko eginez gero, matxuraren bat izanez gero edo baja eman nahi izanez gero.

Ekipoa itzultzea kontratuari uko egiteagatik

Telefonoz edo webgunearen bidez kontratatu baduzu eta gailua jasotzen duzunean ez bazaizu gustatzen, ez badu zuk aurreikusitakoa betetzen, itzultzea edo haren ordez beste modelo bat hartzea eska dezakezu gailua jaso eta 14 egun igaro baino lehen.

Gailua itzultzeko prozesua baliozkoa izan dadin, baldintza hauek bete behar dira:

✅ Erabilera pertsonalerako produktu bat bada, ez kendu zigilua.

Kontuan izan araudiak salbuespen batzuk ezartzen dituela higiene- eta osasun-arrazoiak direla-eta, produktu horiek arriskurik gabe berriro sal daitezkeela bermatzeko. Norberak erabiltzeko produktuez ari gara, hala nola entzungailuak, hortzetako eskuila elektrikoak edo bizarra mozteko makinak.

✅ Gorde jatorrizko bilgarria

Entregatu zizuten material guztia itzuli behar duzu, behar bezala enbalatuta, egoera ezin hobean, jatorrizko kaxa eta salmenta-paketearen jatorrizko edukiaren osagarri guztiak (CDak, liburuxkak, argibideak, kableak, osagarriak, bateria eta abar) jatorrizko poltsetan sartuta (poltsetan sartuta bazeuden), leiar eta pantailen babesgarriak ongi jarrita eta okerreko erabileraren edo manipulatu izanaren seinalerik gabe.

✅ Gogoan izan konfigurazio oro ezabatu behar duzula

Gailuak desaktibatuta eduki behar du kokapenaren funtzionalitatea, eta ez du konfiguratua izan behar inolako blokeorik (pin, hatz-marka edo aurpegia ezagutzeko sistemaren baten bidez).

✅ Egiaztatu telefonoaren edo bideratzailearen serie-zenbakia

Itzultzen diguzun ekipoak bat etorri behar du jatorrizko kaxan agertzen denarekin eta mugikor baten eskaeraren kasuan bidaltzen dizugun SIM txartelari lotuta dugunarekin.

Itzulitako gailuaren parte bat edo osorik dagoeneko fakturatuta badago, hurrengo fakturan itzuliko dizugu kobratutako zenbatekoa, betiere baldintza ezin hobeetan jaso dela egiaztatu ondoren.

Nola eskatu:

Jarri harremanetan Bezeroarentzako Arreta Zerbitzuarekin . Gailua itzultzeko nola eska dezakezun azalduko dizugu, eta, behar izanez gero, beste modelo bat eskainiko dizugu.

Ekipoak itzultzea (bideratzailea,  deskodetzailea...)

Zure gorabehera aztertu ondoren zure etxean instalatutako ekipoa aldatu behar bada, nola aldatu adieraziko dizugu. Kasuaren arabera, matxuratutako ekipoa erabat doan itzul diezaguzun eskatuko dizugu posta-bulego batean.

Zure telefono mugikorrean jasoko dituzu jarraibideak.15 eguneko epea duzu ordeztutako gailua itzultzeko, SMSa jasotzen duzunetik aurrera.

Hartu gailua eta hari lotutako osagarriak (adibidez, deskodetzailearen urrutiko agintea), eta sartu dena kartoizko kaxa batean. Gailu guztiak pakete berean jarri behar dira.

• Jatorrizko bilgarria baduzu, bulegoak onartuko du kaxa horrekin berarekin.
• Kartoizko edozein kaxa eraman dezakezu.
• Kartoizko kaxarik ez baduzu, edozein posta-bulegotan eros dezakezu (kontsultatu kostua Correosen webgunean)

Bilatu hurbilen duzun posta-bulegoa , eta bidali handik paketea Eraman ezazu zurekin bidali dizugun SMSan jasotako kodea. Ez duzu ezer ordaindu beharko.

Bideratzailea edo deskodetzailea itzultzea, baja emanez gero

Zure baja-eskaera bideratu ondoren, SMS bat jasoko duzu zure telefono mugikorrean, ekipoak edozein posta-bulegotan eta ezer ordaindu beharrik gabe entregatzeko jarraibideekin. 

Ekipoak itzultzeko epea:

• SMSa jasotzen duzunetik, 15 egun dituzu bideratzailea eta/edo deskodetzailea itzultzeko.
• Epe horretan jasotzen ez baditugu, ekipoen zenbatekoa kobratuko dugu hurrengo fakturan.

Nola prestatu paketea

Hartu gailu guztiak (bideratzailea, deskodetzailea, telebistaren agintea, kableak...), eta sartu dena kartoizko kaxa batean. Gailu guztiak pakete berean jarri behar dira.

• Jatorrizko bilgarria baduzu, bulegoak onartuko du kutxa horrekin berarekin.
• Kartoizko edozein kaxa eraman dezakezu.
• Kartoizko kutxarik ez baduzu, edozein posta-bulegotan eros dezakezu (kontsultatu kostua Correosen webgunean)

Non entregatu

Bilatu hurbilen duzunposta-bulegoa , eta bidali handik paketea Ez duzu ezer ordaindu beharko. Gogoan izan SMSan agertzen den kodea beharko duzula, beharrezkoa izango baita bidalketa onar dezaten.

⚠️ Aurreko kasuetako edozeinetan: zure itzulketa postetxe batean egiten bada, gogorarazten dizugu hori egiteko bidaltzen dizugun itzulketa kodeak 15 eguneko balioa duela. Epe hori igaro bada edo SMSa ezabatu baduzu, jarri harremanetan bezeroarentzako arreta-taldearekin, eta beste bat emango dizugu.