Kudeatu zure eskubideak Euskaltelen

Euskaltelen bezero zaren aldetik, zenbait eskubide aitortzen dizkizu datuak babesteko araudiak —zehazki, Datuak Babesteko Erregelamendu Orokorrak (DBEO) eta Datuak Babesteko Lege Organikoak (DBLO) babestuta—.

Eskubide horiei esker, zuk zeuk kontrolatzen duzu zer informazio partekatzen duzun gurekin eta zerorrek erabakitzen duzu nola erabiltzen den.

Jarraian, eskubide horietako batzuen muina azalduko dizugu.

🔹 Datuetara irispidea izateko eskubidea Euskaltelen

Aukera duzu guk esateko zuri buruzko zer datu ditugun, zertarako erabiltzen ditugun, zenbat denboraz gordetzen ditugun eta norekin parteka ditzakegun.

🔹 Datuak ezabatzeko eskubidea Euskaltelen

Aukeran duzu zure datuak ezabatzeko eskatzea, baldin eta jada ez badira beharrezkoak jaso ziren helbururako, kendu egiten baduzu baimena edo behar ez bezala tratatu badira.

Kasu batzuetan, ezingo ditugu berehala ezabatu. Eskubide hori egikaritzeko, beharrezkoa izango da Euskaltelekin inolako harremanik ez izatea; hau da, ez edukitzea zerbitzurik aktibo eta guk fakturatuta eta kobratuta edukitzea kargu guztiak.

🔹 Datuak zuzentzeko eskubidea Euskaltelen

Zure daturen bat okerra bada, osatu gabe badago edo aldatu egin bada, aukeran duzu eguneratzeko edo aldatzeko eskatzea.
Adibidez: helbidea, telefonoa, banku-kontua edo errore tipografikoak zuzentzea.

🔹 Aurka egiteko eskubidea Euskaltelen

Zure datuak merkataritza- edo marketin-xedeetarako erabiltzen direnean, eskubidea duzu datuen tratamenduari aurka egiteko.
Eskubide hori baliatzen baduzu, utzi egingo diogu zure datuak xede horietarako tratatzeari.

Nola baliatu zure eskubideak Euskaltelen?

Kontsultatu gure webgunean Datuen babesari buruzko eskubideak atala, eta, han, txantiloi-eredu bat deskargatu eta posta elektronikoz bidali ahal izango duzu doku@euskaltel.com helbidera.

Posta arruntez ere bidal dezakezu idazki bat Euskaltelera, helbide honetara: Parke Teknologikoa, 809 eraikina, 48160 Derio (Bizkaia).

Gehienez hilabeteren buruan jasoko duzu erantzuna.