Oppo Reno13: diseinu abangoardista eta funtzionalitate aurreratuak

Opporen gama ertainean, Oppo Reno13 berria dugu, diseinu berritzailea eta ezaugarri aurreratuak konbinatzen dituen smartphonea. Arina, abangoardista, erresistentea eta indartsua da, eta AA integratzen du errendimendua eta funtzionalitateak hobetzeko.

Diseinuari dagokionez, Reno13ak akabera minimalista du, argi- eta itzal-efektuekin eta pieza bakarreko beirazko panelarekin. Bere ertz ultrameheari esker, egunero erabiltzeko gailu eroso eta arina da.

Estilo handikoa eta iraunkorra da. Reno13ak IP69 ziurtagiria dauka, hautsaren eta uraren aurka erresistentea delako, baita presio handiko zurrustetan eta 2 metrorainoko urperatzeetan ere (30 minutuz). Ezin hobea ur azpiko argazkiak ateratzeko.

AAk hobetutako argazkiak eta bideoak

Argazkiak ateratzeko momentuan, adimen artifiziala da zure lagunik onena. AI Livephoto-k fotogramak garbitzen ditu; AI Editor-ekin maisulanak sor ditzakezu; AI Clarity Enhancer-ekin liluratzen zaituzten urruneko paisaiak atzeman ditzakezu; AI Unblur-ekin mugimenduan dauden irudiak harrapa ditzakezu; AI Reflection Remover-ekin nahi ez diren islak ezabatu ditzakezu; eta AI Motion-ekin irudi estatikoak bideo bihurtu.

Oppo Reno13 modeloak atzeko kamera duala, 50 megapixeleko sentsore nagusia eta 8 megapixeleko sentsore ultraangeluhandia ditu, baita fokatze automatikoa duen 50 megapixeleko aurrealdeko kamera ere.

Murgiltze-pantaila "ikusezina”

Aipatzekoak dira 6.59 hazbeteko AMOLED pantaila moldagarri adimenduna eta haren ertz ia ikusezinak ere.

1256 x 2760 pixeleko bereizmenarekin eta 120 Hz-eko freskatze-tasarekin, murgiltze-esperientzia bisuala, arina eta inguratzailea ematen du.

Potentzia eta autonomia lehiakorrak

Barnean, Reno13ak Android 15ekin funtzionatzen du, eta 4 nm-ko MediaTek Dimensity 8350 prozesadorea dauka. Aukerak hauek dira: 12 GB edo 16 GB-ko RAMa eta 256 GB, 512 GB eta 1 TB arteko barne-biltegiratzea.

Oppo Reno13 modeloaren beste ezaugarri nabarmen bat 5600 mAh-ko bateria da, zeinak erabilera intentsiboko bi egunetarako autonomia baitu.