PYMES:Aktibatu edo desaktibatu zure linea mugikorraren roaminga

Roaminga eta nazioarteko deien zerbitzua lehenetsita daude zure mugikorrerako tarifan. Bisitatzen ari zaren herrialdean terminala pizten duzunean, telefonoa automatikoki konektatuko da estaldura onena duen sarera (zure operadorearekin roaming akordioak dituzten sareen artetik bat aukeratuko du).

Dena dela, zerbitzua behar bezala aktibatuta daukazun egiaztatzea gomendatzen dizugu, atzerrira bidaiatzen duzunean ez dezazun izan arazorik telefono mugikorra erabiltzean.

Nola aktibatu edo desaktibatu roaminga Euskaltelen

Zure Bezeroaren Gunetik

Sartzeko, Bezeroen Eremura jo behar duzu zure erabiltzailearekin eta pasahitzarekin.

1. “Kontratatua” atalean
2. Aukeratu “Mugikor aktiboak”.
3. Sartu “Roaming&Nazioartekoa” atalean.
4. Nahi duzunean aktibatu eta desaktibatu dezakezu roaminga, zure beharren arabera. Gogoratu atzerrian roaminga erabiltzeko aktibatuta eduki behar dituzula nazioarteko deiak ere.

Gogoan izan:

• Kontratupeko bezeroa bazara:

   Atzerritik deitzeko, bi zero (00) markatu behar dituzu, edo gehiago (+) ikurra. Ondoren, herrialdearen aurrizkia (34, Espainiaren kasuan) eta deitu beharreko telefono zenbakia, finkoa edo mugikorra. Adibidez: atzerritik 951XXXXXX telefono finkora deitzeko, hau markatu behar duzu: 0034951XXXXXX o +34951XXXXXX. Zerbitzuaren prezioa zauden herrialdearen araberakoa izango da.

• Datu-ibiltaritza:

   Atzerrian nabigatu ahal izateko, egiaztatu zure mugikorraren sarearen konfigurazioan “Roaming datuak” aukera aktibatuta dagoela. Gure gidetan azaltzen dizugu nola egin.

• Sarera eskuz konektatzea:

   Aukeratu sare bat eskuz. Hori beste modu batera egiten da, zure mugikorraren sistema eragilearen arabera. Edonola ere, aukera honetan egin ahalko duzu, oro har: “Ezarpenak edo konfigurazioa > sarearen konektibitatea > sare-moduak”. Terminal-modelo jakin batean nola egiten den jakin nahi baduzu, kontsultatu gure gidak.

Beste hau ere interesatuko zaizu

• Kontrolatu zure datu-kontsumoa atzerrian