Nola eskatu baja?

Asko sentitzen dugu guretik alde egiteko asmoa duzula jakitea.

Euskaltelen, lanean dihardugu egunero ahalik eta zerbitzurik onena eskaintzeko, eta zuk gurekin jarraitzea nahiko genuke, baina, joatea erabaki baduzu, dituzun zalantza guztiak argituko dizkizugu hemen.

Horretarako, nahikoa duzu Bezeroarentzako Arreta Zerbitzuarekin harremanetan jartzea. Baja nola kudeatu behar duzun eta zer informazio behar dugun esango dizugu, baina, horrez gain, garrantzitsua da hauek ere kontuan hartzea:

• Ea zure zerbitzuak iraupen-konpromisorik zuen.
• Ea gailu finantzaturik duzun, ordaintzeko gelditzen diren kuotak kobratuko baitira gailu horri lotutako lineari baja ematean.
• Etxean instalatu genizkizun ekipoak itzuli behar dituzu.

Prozesu osoan laguntzeko prest gauzkazu hemen.

Telefono-zenbakia galduko dut baja ematen badut?

Kudeatzeko moduak baldintzatzen du hori:

• Zenbakia beste operadore batera eramatea eskatzen baduzu, finkoaren zenbakia, mugikorrarena edo biak mantenduko dituzu.
• Zuzeneko baja bat egiten baduzu, zure kontratuari lotutako zenbakiak galdu egingo dira, eta ezingo dira berreskuratu aurrerago.

Zer egin behar dut etxean instalatutako ekipoekin?

Zerbitzurako erabiltzen dituzun ekipoak (hala nola bideratzailea edo deskodetzailea) Euskaltelenak dira; beraz, baja bideratzean, itzuli egin behar dituzu, kostu gehigarririk izan ez dezazun.

Baja erregistratu ondoren, SMS bat bidaliko dizugu xehetasun guztiekin, ekipoak posta-bulego batean itzul ditzazun, azkar eta erraz. 

Adierazitako denbora-epean entregatzen ez badira, ekipoen kostua fakturatu beharko dugu indarrean dauden prezioen arabera. Aldez aurretik jakinaraziko dizugu, zalantzarik izan ez dezazun.