Webgunearen eta aplikazioen pribatutasun-politika

Partikularrak | Autonomoak eta Negozioak | Enpresak

Ikus ezazu | Laguntza | Nor gara? | Inbertitzaileak

ES | EU

ES - EU

1. ARDURADUNAREN IDENTIFIKAZIOA ETA HARREMANETARAKO DATUAK.
Euskaltel da webgune honen, haren azpidomeinuen eta erakundearen aplikazioen (App) bidez tratatzen diren datu pertsonalen tratamenduaren arduraduna. Klausula honetan jasotzen da Sozietateak nola erabiliko dituen zure datu pertsonalak Euskaltelen webgunean eta domeinu haren mende dauden beste webgune batzuetan (aurrerantzean, “Webgunea”), bai eta sozietatearekin lotutako aplikazioetan ere.
Halaber, pribatutasun-politika honek Datuak Babesteko Erregelamendu Orokorraren arabera dagozkizun eskubideei buruzko informazioa ematea du xede (“DBEO”). Datu pertsonalen tratamenduari buruzko zalantzarik izanez gero, jar zaitez sozietatearekin harremanetan helbide honetan: mailto:info@euskaltel.com.
Halaber, jakinarazten dizugu sozietateak baduela datu-babeserako ordezkari bat talde osorako izendatua. Hauxe da harekin harremanetan jartzeko helbidea: dpd@euskaltel.com.
2. BEHARREZKO INFORMAZIO EGUNERATUA
Ematen zaizkizun inprimakietan izartxo batez (*) markatuta dauden eremu guztiak bete behar dira nahitaez; haietakoren bat bete gabe utziz gero, gerta daiteke eskatutako zerbitzua emateko aukerarik ez izatea. Egiazko informazioa eman behar duzu; debekatuta dago ezizenak erabiltzea edo identitatea ezkutatzeko beste baliabiderik erabiltzea, salbu eta formularioak berak espresuki eskatzen baldin badu erabiltzaile-izen bat, nick bat edo ezizen bat sortzea.
Emandako informazioa beti eguneratuta egon dadin eta akatsik izan ez dezan, ahalik eta lasterren jakinarazi beharko diozu Sozietateari, info@euskaltel.com helbide elektronikoaren bidez, zer aldaketa eta zuzenketa egin diren datu pertsonaletan.
3. INFORMAZIO OROKORRA: PRIBATUTASUN-POLITIKAN JASOTAKO INFORMAZIOAREN DESKRIBAPENA.
Pribatutasun-politika honetan, taula batean jaso eta identifikatu ditugu Sozietateak webgunean egin dituen tratamendu-mota guztiak.
Informazio hau jaso dugu taula horietan:
Datu pertsonalen tratamenduaren xedeak, hau da, zertarako tratatzen dituen Sozietateak datu pertsonalak.
Sozietateari datuak xede jakin batzuetarako tratatzeko eskubidea ematen dioten lege-oinarriak.
Zure datuak hirugarrenei jakinarazteko aukera, eta horretarako arrazoia. Jakinarazten dizugu ez dizkiegula lagatzen datuak hirugarren batzuei, salbu eta horretarako legezko betebehar bat badago (Ogasun publikoa, epaile eta auzitegiak, segurtasun-indarrak...) edo espresuki hala jasotzen bada beheko taula honetan. Bestalde, datu pertsonal horietarako sarbidea izango dute Sozietatearen datu horiek tratatzeko eragileek, hau da, beren funtzioak betetzeko datu pertsonaletan sartu behar duten zerbitzu-emaileek. Oro har, datu pertsonaletara sartzen diren zerbitzu-emaileek informazio-sistemen eta teknologiaren sektoreetan dihardute batik bat. Beheko taulan jaso behar dira Sozietateren zerbitzu-emaileei zure datu pertsonaletara sartzeko premia eragiten dieten beste sektore batzuk.
Jakinarazten dizugu datuen hartzaileei buruzko informazio gehiago eska dezakezula, mezu elektroniko bat bidaliz info@euskaltel.com helbidera. Mezuan zehaztu behar da zer datu-tratamendurekin lotuta nahi duzun hartzaileei buruzko informazio gehiago.
Nazioarteko datu-transferentziarik egin den.
Zenbat denboraz gorde behar diren datuak. Hori dela eta, jakinarazten dizugu kontratu-harremanak iraun bitartean gordetzen ditugula datu pertsonalak, edo, zuk baimenduz gero, denbora gehiagoz. Halaber, jakinarazten dizugu datuak blokeatuta egongo direla, araudi aplikagarri bakoitzak legez zehazten duen denboran, erreklamazio judizial, administratibo edo fiskalei erantzun ahal izateko.

Tratamenduaren xedea	*Lege-oinarria*	Hartzaileak	Nazioarteko transferentziak	Zenbat denboraz gorde behar diren datuak
Webgunearen bidez egiten dizkiguzun zerbitzu-eskaerak kudeatzea: - Zerbitzuak kontratatzea. - Estaldura-eskaerei buruzko kontsultak kudeatzea. - Foroko eta blogeko interakzioak kudeatzea. - Lehiaketa, zozketa eta sustapenetako parte-hartzea kudeatzea. - Abiadura-neurgailua. - Newsletterrean izena emateko egindako eskaerak kudeatzea.	Kontratu bidezko harremanaren edo kontratu aurreko neurrien kudeaketa: Sozietateari eskatutako zerbitzuak ematea zerbitzuak emateko erlazio bat da, nahiz eta zerbitzuok doakoak izan.	Hauek dira datuak eskura litzaketen zerbitzu-emaileen kategoriak: call center erakundeak edo telemarketineko enpresak.	Ez da egiten datu pertsonalen nazioarteko transferentziarik.	Kontratu bidezko harremanak iraun bitartean.
Erosketa-prozesu batean albo batera utzitako orgatxoa kudeatzea.	Baimena ematea: zuk espresuki onartzen duzunean tratatuko ditugu datuak; hala, harremanetan jarriko gara zurekin erosketa ez dela burutu jakinarazteko.	Hauek dira datuak eskura litzaketen zerbitzu-emaileen kategoriak: call center erakundeak edo telemarketineko enpresak.	Ez da egiten datu pertsonalen nazioarteko transferentziarik.	Erosketa ez dela burutu esateko jakinarazpena bidaltzen dugun arte edo datuak tratatzeko baimena kentzen diguzun arte (bietan lehenengo gertatzen dena).
Informazio-zerbitzua (esaterako, Click-to-Call) edo harremanetarako formularioak.	Sozietatearen interes legitimoa: webgunearen bidez jasotako informazio-eskaerei erantzutea.	Hauek dira datuak eskura litzaketen zerbitzu-emaileen kategoriak: call center erakundeak edo telemarketineko enpresak.	Ez da egiten datu pertsonalen nazioarteko transferentziarik.	Zure eskaerari erantzuten diogun arte edo xede horretarako datuen tratamenduari aurka egiten diozun arte (bietan lehenengo gertatzen dena).
Zure curriculuma kudeatzea.	Interes legitimoa: bidali diguzun curriculuma kudeatzea, Sozietatearen hainbat eskaintzatarako.	Euskaltel Taldeko beste enpresei lagako dizkiegu zure datuak, zure lan-aukerak ahalik eta ongien kudeatzeko (R Cable y Telecomunicaciones Galicia S.A.U. eta Telecable S.A.U.).	Ez da egingo zure datu pertsonalen nazioarteko transferentziarik.	Urtebete.
Oraindik ez bazara bezero: Sozietatearen jakinarazpen komertzialak edozein baliabideren bidez bidaltzea.Ekitaldietan eta zozketetan parte hartzeko deialdiak egitea eta Sozietateari buruzko berriak bidaltzea. .	Baimena ematea: erregistratzeko formularioko laukitxoa markatzean, baimena ematen diguzu lehengo zutabean identifikatutako sektore komertzialei buruzko jakinarazpen komertzialak bidaltzeko.	Datu-tratamendu honetako daturik ez zaie emango hirugarrenei. Hauek dira zure datuak eskura litzaketen zerbitzu-emaileen kategoriak: kanpainak egiten dituzten call center erakundeak edo telemarketineko enpresak.	Ez da egingo zure datu pertsonalen nazioarteko transferentziarik.	Baimena kentzen diguzun arte.

5. ZURE ESKUBIDEAK EGIKARITZEA
Eskubide hauek balia ditzakezu:
datu pertsonaletara sartzeko eskubidea, jakiteko zein ari diren tratatzen eta zer tratamendu-eragiketa egin zaizkien;
zuzena ez den datu pertsonal oro zuzentzeko eskubidea;
datu pertsonalak ezabatzeko eskubidea, ahal den kasuetan;
datu pertsonalen tratamendua mugatu dadin eskatzeko eskubidea, baldin eta datu-tratamenduaren zehaztasuna, legezkotasuna edo premia zalantzazkoa bada. Horrelakoetan, datuak gorde ahal izango dira, erreklamazioak egin edo defendatu behar direnerako.
datu pertsonalen tratamenduaren aurka egiteko eskubidea, baldin eta tratamendurako baimena ematen digun lege-oinarria, goiko taulan adierazitakoetatik, interes legitimoa baldin bada. sozietateak utzi egingo dio datuak tratatzeari, kasu hauetan izan ezik: interes legitimo premiatsua baldin badu, edo erreklamazioak prestatzeko, aurkezteko edo defendatzeko behar baditu;
datuak beste operadore batera aldatzeko eskubidea, baldin eta tratamendurako baimena ematen digun lege-oinarria, goiko taulan adierazitakoetatik, kontratu bidezko harremana edo zure onespena baldin bada.
Baimena edozein unetan baliogabetzeko eskubidea.
Eskubide horietaz baliatzeko aukera duzu edozein unetan, eta erabat doan.
Horretarako, bidali mezu elektroniko bat info@euskaltel.com helbidera, baliatu nahi duzun eskubidea eta zure identifikazio-datuak zehaztuta.
Horretarako, bidali eskaera bat info@euskaltel.com helbidera, baliatu nahi duzun eskubidea eta zure identifikazio-datuak zehaztuta.
Horrez gainera, webguneko zure gune pribatuan sar zaitezke, baja emateko gunean, eta aukera izango duzu baja emateko lehen onartu zenituen jakinarazpen komertzial guztietan.
Uste baduzu Euskaltelek ez dituela behar bezala tratatu datu pertsonalak, datu-babeserako ordezkariarekin jar zaitezke harremanetan, helbide honetara idatzita: dpd@euskaltel.comJakinarazten dizugu, bestalde, eskubidea duzula erreklamazio bat aurkezteko Datuak Babesteko Espainiako Agentzian, uste baduzu datu pertsonalen tratamenduan datuak babesteko legeria urratu dela.
6. COOKIEAK
Cookieak erabil ditzake webguneak Informazio gehiago nahi baduzu, kontsultatu cookiei buruzko politika.
7. ADIN TXIKIKOAK
Adin txikikoek ezin dituzte erabili webgune bidezko zerbitzuak gurasoen, tutoreen edo legezko ordezkarien baimenik gabe. Haiek dira beren ardurapean dituzten adin txikikoek webgunearen bidez egiten dituzten jarduera guztien arduradun; besteak beste, hauen arduradun: formularioak betetzea adin txikikoen datuekin eta, hala badagokio, formulario horietako laukitxoak markatzea.

Bezero gunea

Bezero gunea

Webgunearen eta aplikazioen pribatutasun-politika

Dagoeneko baduzu produktu hau erosketa-organ

Ezin dituzu bi paketeak eduki zure erosketa-organ.