Sortu zenetik, hau izan du oinarri Euskaltelen lan-estrategiak: aplikazio orokorreko kudeaketa-sistema bat, zeinak konpainiako politika guztiak biltzen dituen, sail, negozio eta zerbitzuetan erabiltzen diren denak alegia.

1999an, gure kudeaketa-sistemaren ziurtagiria egin zen, Ingurumena eta Kalitatea Kudeatzeko ISO arauen arabera, eta nazioarteko bi arau horien ziurtagiria jaso zuen estatuko telekomunikazioen lehen operadore global bihurtu ginen. Harrezkeroztik, urtero egiten du AENORrek gure Kudeaketa Sistemaren auditoretza. Esteka hauetan eskura daitezke gure ziurtagiriak:

Bere kudeaketa-jarduerak aberastuz joan da Euskaltel, hainbat kontzeptu aplikatuz, hala nola erabateko kalitatea, bikaintasuna kudeaketan, berrikuntza eta kudeaketa aurreratuaren alorreko beste batzuk. Izan ere, kudeaketa aurreratua da gero eta globalizatuagoa den eta lehiakide ahaltsuak dituen egungo merkatu honetan jarduteko Euskaltelek egin duen apustuaren oinarria.