Estatuaren iparraldeko telekomunikazio-talde nagusia da Euskaltel. EAEn eta Galizian ondo errotuta dago, eta lurralde horiekiko konpromiso sendoari eusten dio. Merkatu horietan jarduten du, Euskaltel eta R operadoreen bidez.

Telekomunikazio-taldeak 6 milioi pertsonako merkatuan eskaintzen ditu zerbitzuak, eta etxeko eta negozioetako 800.000 bezerori baino gehiagori ematen die zerbitzua. Euskaltel, R eta Telecable enpresa liderrak dira Euskal Autonomia Erkidegoan, Galizian eta Asturiasen hurrenez hurren, eta bezero-oinarri eta negozio-eredu osagarri sendoak dituzte. 4G-ko lizentzia propioa du operadoreak EAEn, Galizian eta Asturiasen; bere merkatuan, zuntz optikozko sarerik zabalenaren jabea da.

Azken hamarkadan, taldeak 140 milioi euro baino gehiago bideratu ditu I+G+Bra.

Euskadiko telekomunikazio-alorreko operadore liderra da Euskaltel, eta telefonia finkoko, mugikorreko, Interneteko eta telebista digitaleko zerbitzuak ematen ditu. Euskaltelen inbertsio metatua 1.900 milioi eurokoa da, Espainiako estatuko handiena gure sektorean: 860 euro biztanleko. Azken hamarkadan, 2.500 milioi euroko kontratuak egin ditu Euskaltelek Euskadiko hornitzaileekin, eta 100 milioi eurotik gora inbertitu ditu I+G+Bn.

Galizian, abiadura handiko (500 mega arteko) Interneteko zerbitzu aurreratuak, telebista digitalekoak eta telefonia finko eta mugikorrekoak eskaintzen ditu R-k, eta, duela urte askotatik, Galiziako etxe eta enpresen aukera gogokoena da, bere zuntz optikoko sarea duen tokietan. Orain arte, 1.300 milioi euro inguru inbertitu ditu proiektu horretan Galizian, eta 130 herritan dago (300.000 bezero ditu guztira, etxekoak eta enpresakoak kontuan hartuta).

Asturiasen, berriz, hango informazio-gizartearen garapeneko elementu garrantzitsua da Telecable 1995etik; liderra da ordainpeko telebistan, eta % 35eko kuota du banda zabalean eta % 20koa mugikorrean. Bere zerbitzuak hedatzen jarraitzen du, zuntz optikoaren abantailan oinarrituak.

2018ko mugarriak

EBITDA
336,4 MILIOI
EURO
DIRU-SARRERAK
691,6 MILIOI
EURO

CASH FLOW DOITUA 182,9 MILIOI
EURO

EMAITZA GARBI DOITUA 62,8 MILIOI
EURO