Euskaltelek eskaintza iraultzaile bat merkaturatu du: telefonia finkoa, mugikorra giga-kopuru hirukoitzarekin, Internet abiadura bikoitzarekin, eta TBa 4K deskodetzailearekin, 19 euroan
Derion, 2020ko irailaren 2an. Uda amaitu eta kanpaina berria hastearekin bat, sustapen berri bat merkaturatu du Euskaltelek, merkatuko preziorik lehiakorrenean: play laukoitza 19 euroan, hiru hilabetez; eta, gainera, abiadura bikoitza banda zabalean eta datu-kopuru hirukoitza mugikorrean, urtebetez.
Hala, sustapenari heltzen dioten bezeroek zerbitzu hauek guztiak izango dituzte: telefonia finkoa, TBa 4K deskodetzailearekin, banda zabala -abiadura bikoitza urtebetez (100 Mb/s beharrean, 200 Mb/s)-, eta telefonia mugikorra -giga-kopuru hirukoitza, urtebetez baita ere (10 giga beharrean, 30 giga)-.
Sustapen honekin, Euskaltel Taldeak bere konpromisoari eusten dio: telekomunikazioen kalitaterik onena eskaintzea merkatuko preziorik lehiakorrenetan.
Gainera, eskaintza berrian, OSOA Infinitiy merkaturatu du, giga-kopuru mugagabea eskaintzen duen produkturik osatuena. Produktu berria merkaturatzeko, sustapen bikaina prestatu du online kanalaren bidez egiten diren kontratazio esklusiboetarako: linea nagusian giga mugagabeak dituztelarik, bigarren linean ere giga mugagabeak izango dituzte bezeroek 24 hilabetez.
Hala, gehien eskatzen diren lau telekomunikazio-zerbitzuak bildu ditu Euskaltelek -telefonia finkoa, 100 megako Internet, mugikorra 10 gigarekin eta Aisia TBa 4K Android deskodetzailearekin-, merkatuko paketerik merkeenean: 53 euroko behin betiko prezioa, eta 19 euroko sustapena hiru hilabetez alta berrietarako; eta, gainera, lehenengo urtean, 500 megako Internet eta 30 giga opari mugikorrean.
Halaber, beste sustapen bat ere merkaturatu du Euskaltelek jada Taldeko bezero direnentzat, linea gehigarrien kontratazioari lotua: Samsung A31s terminal bat 0 €/hil ordainduta, Mugagabeak + 10 GB-ko tarifa berria kontratatzean.
Eskaintza honen bidez, Euskaltelek pauso bat eman dute bezero guztientzako produktu sendo eta baliotsu bat merkaturatzeko; horixe da, hain zuzen ere, konpainiaren zutoin estrategikoetako bat.
Euskaltel - Komunikazioa
komunikazioa@euskaltel.com