Europako Esparru Ekonomikoan roaminga erabiltzeko mugak enpresak (Euskaltelen zure tarifan barne hartua)
Zer jotzen da roamingaren abusuzko erabileratzat EEEn?
Abusuzkotzat jotzen den erabilera-mota bat baino gehiago dago, eta tarifikazio gehigarria dakarte denek mugikorra roamingean erabiltzean Europako Esparru Ekonomikoan (Europar Batasuneko herrialdeak, Islandia, Norvegia eta Liechtenstein), Erresuma Batuan eta Gibraltarren.
Funtsean, abusuzko erabileratzat hartuko da baldintza hau betetzen baduzu:
Alegia, azken lau hilabeteetan EEEn egin duzun roamingaren erabilera aztertuko da, eta aldi berean bi baldintza hauek betetzen diren egiaztatuko da:
- Ea EEEko roamingeko datu-kontsumoa handiagoa den Espainiako kontsumoa baino.
- Ea EEEko roaming bidezko presentzia esklusiboko egun-kopurua Espainiakoa baino handiagoa den.
Gogoan izan inoiz ez garela hasiko roamingeko kargu gehigarriak aplikatzen aurretik ohartarazpen-SMS bat bidali gabe
. Errekargu hori ez da inoiz aplikatuko ohartarazpenaren aurretik egindako kontsumoan; handik aurrerako roamingeko datuen erabilerarako bakarrik aplikatuko da.
Nola jakin dezaket ea abusuzkoa den roamingaren nire erabilera EEEn?
Hautematen badugu EEEko zure roaming-erabilerak Euskaltelen arrazoizko erabileraren politika hausten duela, EBk onartutako araudiaren arabera, SMS bat bidaliko dizugu jakinarazteko.
Une horretatik aurrera, 2 aste izango dituzu zure erabilera-eredua aldatzeko, hau da, EEEn roaminga arrazoiz erabiltzeko. Horrek esan nahi du abisu-SMSa jaso ondorengo 14 egun horietan presentzia eta kontsumo handiagoa izan beharko zenukeela Espainian EEEko roamingean baino.
- 14 egun horietan zure erabilera-eredua aldatu bada, SMS bat jasoko duzu roamingaren erabilera arrazoizkoaren barruan jarraitzen duzula berresteko, eta, beraz, EEEko roamingeko zure tarifa nazionala erabiltzen jarraituko duzu.
- Hala ez bada, beste SMS bat jasoko duzu, roamingeko datuen kontsumoan kargu gehigarriak hasiko direla jakinarazteko. Une horretatik aurrera, zure datu-kontsumoa 0,0018 euro-zentimoan fakturatuko da MB bakoitzeko (BEZa barne). Hau da, SMS hori jaso ondoren 1 GB kontsumitzen badituzu roamingean, 3,63 € kostatuko zaizu.
- Eta zure SMSak 0,0048 €-an fakturatuko dira SMS bakoitzeko.
Noiz erabili ahal izango dut berriro nire tarifa EEEko roamingean, kargu gehigarririk gabe?
Hilaren hasieran, berriro aztertuko dugu roamingaren erabilera-eredua, gehiegizkoa ez dela egiaztatzeko. Kasu horretan, SMS bat bidaliko dizugu aparteko karguen amaieraren berri emateko.
Une horretatik aurrera, tarifa berriro erabil dezakezu EEEn kostu gehigarririk gabe. Kontsumoak arrazoizko erabilera-politikatik kanpo jarraitzen badu, errekarguak aplikatuko dira EEEko roamingeko datuen tarifikazioan.
EEEko roamingean errekargua dudanean, nire tarifa nazionaletik gastatzen ditut datuak?
Ez. EEEn roamingaren abusuzko erabileragatik aparteko kostua aplikatzen ari zaizun bitartean, Espainian kontsumitzen duzuna bakarrik kenduko zaizu zure tarifa nazionaletik.
Nire linea guztiei eragiten al die errekarguak?
Ez, abusuzko kontsumoa egin duten lineei bakarrik aplikatzen zaie errekargua.
Udan EEEko herrialde batera joaten banaiz oporretan, gerta liteke abusuzko erabilerara iristea?
Lasai, muga horiek roamingaren erabilera esklusiboak edo oso intentsiboak saihesteko pentsatuta daude. Europar Batasuneko herritar guztiak Europako Esparru Ekonomikoan lasai ibiltzeko dago araututa, baina ez zure herrialdea ez den beste herrialde batean lehentasunez erabiltzeko.
Frantziara joaten banaiz bizitzera, errekargua ordaintzera irits naiteke datuen erabileragatik?
Bai. EEEko herrialde batean luze gelditzekoa bazara (zenbait hilabete), herrialde horretako tarifa bat kontratatu beharko zenuke, bestela kargu gehigarriak izango baitituzu Euskaltelen Espainiako fakturan
EEEtik kanpo bidaiatzen badut, muga horiek aplikatuko dizkidate?
Ez. EEEtik kanpoko roaminga kontratatua duzun tarifaren edo bonuaren arabera tarifatzen da beti. Ez du zerikusirik EEEren barruko zure tarifikazioarekin.
